Tannyja bieśpiłotniki źmianili samu sutnaść sučasnaha vajennaha kanfliktu tak, jak tanki źmianili pole boju padčas Pieršaj suśvietnaj vajny. Na linii rasijska-ŭkrainskaha frontu ich ciapier tak šmat, što vojski abodvuch bakoŭ nie majuć mahčymaści pieramiaščacca.
Jak piša vydańnie The Washington Post, bieśpiłotnikaŭ, jakija patrulujuć nieba nad linijaj frontu va Ukrainie, tak šmat, što va ŭkrainskich i rasijskich vojskaŭ praktyčna niama mahčymaści pierasoŭvacca pa poli boju.
Pa słovach kamandzira padraździaleńnia bieśpiłotnikaŭ u 92-j bryhadzie ŭkrainskich vojskaŭ Alaksandra Niaścienki, jakoha cytuje vydańnie,
rost kolkaści małych bieśpiłotnikaŭ na Ukrainie pieratvaryŭ terytoryju pa abodva baki ad «nulavoj linii», jakuju zvyčajna nazyvajuć «šeraj zonaj», u «zonu śmierci». Toj, chto aśmielicca pierasoŭvacca dniom ci nočču pad pilnym nahladam varožych bieśpiłotnikaŭ, «hinie adrazu».
Pa słovach vajskoŭca, adnosna tannyja bieśpiłotniki źmianili sučasnuju vajnu. Spačatku jany dali pieravahu Ukrainie, ale potym rasijski bok pačaŭ masava vyrablać ułasnyja drony.
Načalnik štaba kampanii BRINC Drones, jakaja pastaŭlaje abstalavańnie va Ukrainu, Endru Kate (Andrew Coté) ličyć, što drony źmianili hetu vajnu, jak tanki ŭ hady Pieršaj suśvietnaj vajny, i dadaje:
«Toje, što my nazirajem ciapier, — heta blickryh bieśpiłotnaj vajny. Heta davoli patavaja situacyja, tamu što, kali vy znachodziciesia na adkrytaj miascovaści, za vami buduć palavać».
Nasyčeńnie bieśpiłotnikami, mnohija ź jakich abstalavany ciepłavizarami, značna skaraciła prastoru, pa jakoj vojski mohuć biaśpiečna pierasoŭvacca, što pryviało da vialikich strat u apošnija miesiacy i ŭ značnaj stupieni pieraškodziła abodvum bakam ździejśnić surjoznyja praryvy.
Apieratar dronaŭ Nepal z 45-j bryhady, ź jakim razmaŭlaŭ aŭtar artykuła, zajaviŭ, što vielizarnaja kolkaść bieśpiłotnikaŭ aznačaje, što pole boju «amal prazrysta z abodvuch bakoŭ».
Značnyja ciažkaści ŭnosiać sistemy hłušeńnia, jakija pieratvarajuć ekrany apierataraŭ FPV-dronaŭ u statyčnyja vyjavy. U takich situacyjach jamu davodzicca paražać celi «amal uślapuju».
Jak zaŭvažyŭ u razmovie z žurnalistam vydańnia kamandzir padraździaleńnia bieśpiłotnikaŭ 45-j bryhady Fox, kali minułaj vosieńniu jany mahli svabodna kiravać svaimi aparatami, źniščajučy rasijskija celi, to zaraz, z-za pieraškod, drony časta nie mohuć pralacieć bolš za adnu milu, jak ich ekrany stanoviacca šerymi.
Nieba zapoŭniena rasijskimi bieśpiłotnikami. Pa słovach inšaha kamandzira padraździaleńnia bieśpiłotnikaŭ, u radyusie 10 kiłamietraŭ miažy znachodzicca 100 raźviedvalnych i ŭdarnych bieśpiłotnikaŭ, jakija lotajuć tudy-siudy. Samaje składanaje — zrazumieć, ukrainskija heta bieśpiłotniki ci rasijskija.
Choć ukrainskija sistemy pieraškod dapamahajuć zryvać rasijskija paloty, ale taksama pieraškadžajuć palotam svaich.
U toj ža čas rasijski bok, viedajučy kaštoŭnaść piłotaŭ bieśpiłotnikaŭ, nacelvaje na ich avijacyjnyja kiravanyja bomby i sistemy «Hrad».
Adnak, niahledziačy na ŭsie pieraškody, va ŭmovach abmiežavanaści ŭzbrajeńniaŭ Ukraina praciahvaje spadziavacca ŭ asnoŭnym na bieśpiłotniki ŭ imknieńni ŭskładnić prasoŭvańnie rasijskich vojskaŭ.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ5
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary