Dodzik patrabuje mirnaha adździaleńnia ad Bośnii i Hiercahaviny. Jon prapanuje płan praz 30 dzion
Prezident Respubliki Sierbskaj zajaviŭ, što bolš nie choča žyć u fiederacyi.
Prezident Respubliki Sierbskaj Miłarad Dodzik zajaviŭ pra žadańnie ŭ najbližejšy čas vyjści sa składu Bośnii i Hiercahaviny.
U nastupnyja 30 dzion Dodzik paabiacaŭ prapanavać mirny płan demarkacyi pamiž Fiederacyjaj i Respublikaj Sierbskaj, piša nin.rs.
«Siońnia my pačynajem z aficyjnaha rašeńnia zapytać mirnuju demarkacyju. My prapanujem spačatku ŭdakładnić palityčnyja kampietencyi ŭ dačynieńni da subjektaŭ, a taksama zachavać ciapierašniuju madel funkcyjanavańnia ekanomiki i na praciahu niekalkich hadoŭ adaptavać jaje da madeli mirnaha raźmiežavańnia», — adznačyŭ Dodzik.
Jon zajaviŭ, što «sierby bolš nie mohuć žyć u hetaj Bośnii i Hiercahavinie». Jon ličyć, što «baśnijcy nie pavažajuć sierbaŭ».
Novyja zajavy Dodzika ab vychadzie sa składu Bośnii i Hiercahaviny hučać na fonie hałasavańnia ŭ Hienasamblei AAN pa rezalucyi ab hienacydzie ŭ Srebranicy. Aŭtary rezalucyi prapanujuć zrabić 11 lipienia Mižnarodnym dniom pamiaci hienacydu ŭ Srebranicy — tam u 1995 hodzie armija baśnijskich sierbaŭ pad kiraŭnictvam Ratka Mładziča zabiła bolš za 8 tysiač baśnijskich musulman.
Sierby ličać hetuju rezalucyju abraźlivaj, napiaredadni pratesty suprać hałasavańnia ŭ AAN prajšli ŭ Sierbii, Čarnahoryi i Respublicy Sierbskaj.
Bośnija i Hiercahavina ŭjaŭlaje saboj fiederacyju ź dźviuch aŭtanomnych častak — musulmanska-charvackim abjadnańniem BiH, dzie žyvuć baśnijcy i charvaty, a taksama Respubliki Sierbskaj ź sierbskim nasielnictvam.
Dodzik, jaki viadomy prarasijskimi pohladami, raniej zajaŭlaŭ, što jaho nie zadavalniaje kurs kiraŭnictva fiederacyi na ŭstupleńnie ŭ NATO.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi25
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary