«Va ŭsioj kampanii źjaviŭsia mocny śvierb». Pra što treba pamiatać, kali vyrašyš kupacca ŭ Naračy
Chłopiec ź siabrami papłavaŭ u Naračy, a ŭ chutkim časie ŭsie ŭ kampanii adčuli mocny śvierb.
Pra niepryjemny vypadak na adnym z samych znakamitych azior Biełarusi chłopiec raspavioŭ u tyktoku.
— Kali što, kupajusia ja ŭ Naračy kožnaje leta, i mianie ni razu nie vysypała. Ale ŭ hety raz adrazu ž paśla čarhovaha kupańnia, niahledziačy na toje, što my ŭsie pryniali duš, va ŭsioj našaj kampanii źjaviŭsia najmacniejšy śvierb, — paviedamiŭ u svaim roliku Uład Halon.
Chłopiec dadaŭ, što syp źjaviŭsia tolki ŭ jaho, ale abyšłosia biez tempieratury. Jamu «paščaściła» atrymać cerkaryjoz. U narodzie hetuju niepryjemnuju chvarobu nazyvajuć «śvierb kupalščykaŭ».
Vyklikajuć jaje cerkaryi — ličynki parazitaŭ, jakija traplajuć u vadu z kałam vadapłaŭnych ptušak. Trapiŭšy ŭ cieła čałavieka, cerkaryi hinuć, adnak mohuć vyklikać razdražnieńnie skury, alerhiju i mocny śvierb, a taksama pavyšeńnie tempieratury cieła da 38 °S i vyšej.
kak ja zaraziłsia cierkariozom
Pra prablemu cerkaryjozu ŭ Naračanskim rehijonie kažuć šmat hadoŭ. Jak tolki vada prahravajecca da 22-23 °S, ryzyka zarazicca ŭzrastaje. Zmahacca z prablemaj sprabujuć roznymi sposabami. Pa-pieršaje, šmat na jakich plažach Naračy byli ŭstalavany płastykavyja płatformy (mienavita ź ich rekamiendujuć spuskacca ŭ vadu). Pa-druhoje, u rajonie plažaŭ pracuje śpiecyjalnaja łodka-kasiłka pa vydaleńni zaraśnikaŭ tryśniahu.
Kab źnizić ryzyku padchapić cerkaryjoz, rekamiendujecca nie płavać doŭha (u voziery lepš pravodzić nie bolš za 5-10 chvilin), nie chadzić pa bahavińni, paśla kupańnia adrazu prymać duš, dobra vyciracca ručnikom i pieraadziavać mokraje adzieńnie. I, kaniešnie ž, ni ŭ jakim razie nie padkormlivać vadapłaŭnych ptušak, bo jany źjaŭlajucca raznosčykami cerkaryjaŭ.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT15
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary