Premjer Bavaryi zaklikaŭ jak maha chutčej pravieści vybary ŭ Hiermanii paśla pravału partyi Šolca na vybarach
Premjer-ministr Bavaryi Markus Zieder z apazicyjnaha Chryścijanska-sacyjalnaha sajuza (CHSS) u intervju NTV zaklikaŭ urad FRH jak maha chutčej pravieści parłamienckija vybary paśla pravału kiroŭnaj kaalicyi na vybarach u Jeŭraparłamient.
«Pa sutnaści, hetamu ŭradu pryjšoŭ kaniec. I ciapier pavinna być jak u Francyi: tam byli patrabavańni daterminovych vybaraŭ, i tam Makron ich abviaściŭ», — skazaŭ palityk.
Z 6 pa 9 červienia ŭ krainach ES prachodzili vybary ŭ Jeŭraparłamient. Pavodle papiarednich vynikaŭ, u Hiermanii pieramohu atrymaŭ błok CHDS/CHSS, nabraŭšy 30 adsotkaŭ hałasoŭ, na druhim miescy — pravaja partyja «Alternatyva dla Hiermanii» (AdH) z 15,9 hałasoŭ. Sacyjał-demakraty kanclera Ołafa Šolca nabrali tolki 13,9%, pakazaŭšy svoj horšy vynik u historyi vybaraŭ u Jeŭraparłamient. Usia kiroŭnaja kaalicyja nabrała mienš za tracinu hałasoŭ.
Premjer-ministr Bavaryi adznačyŭ, što Hiermanii patrebnaja «pierazahruzka».
«U śviatłafora (hutarkovaja nazva kiroŭnaj kaalicyi) bolš niama mandata i davieru nasielnictva. tamu nieabchodna jak maha chutčej pravieści daterminovyja vybary», — dadaŭ Zieder.
Z takimi zajavami vystupała i kiraŭnictva Chryścijanska-demakratyčnaha sajuza (CHDS) — partnioram CHSS pa błoku CHDSCHSS.
Łukašenka: Raman Pratasievič — daŭni supracoŭnik biełaruskaj raźviedki55
Kamientary
Šolcu treba syjści na ch...
Bo naprykład pra Vienhryju i nibyta "pravał Orbana" taki trapiŭsia.
Dla paraŭnańnia - Fišeš atrymaŭ kala 44-45%, a Spd 13-14%.