Dekłaracyja samitu NATA: Ukrainie paabiacali «niezvarotny šlach» u aljans. Uzhadali i Biełaruś
Krainy NATA paabiacali Ukrainie 40 miljardaŭ jeŭra dapamohi ŭ 2025 hodzie. Pra heta havorycca ŭ dekłaracyi samitu Paŭnočnaatłantyčnaha aljansu.
U dakumiencie paćviardžajecca «niezvarotny šlach da poŭnaj jeŭraatłantyčnaj intehracyi Ukrainy, jakaja ŭklučaje ŭ siabie siabroŭstva ŭ NATA». Udzielniki aljansu adznačajuć, što nakirujuć Kijevu zaprašeńnie ab dałučeńni, «kali ŭsie chaŭruśniki pahodziacca na heta i ŭsie ŭmovy buduć vykananyja». Na bližejšy hod sajuźniki majuć namier vydatkavać minimum 40 młrd jeŭra. Hetyja hrošy buduć nakiroŭvacca na abaronnyja patreby Ukrainy.
Akramia hetaha, pryniata rašeńnie stvaryć Słužbu dapamohi i navučańnia ŭ halinie biaśpieki dla Ukrainy (NSATU), jakaja budzie zajmacca kaardynacyjaj pastavak vajennaj techniki i padrychtoŭkaj asabistaha składu.
Rasija ŭ dekłaracyi samitu NATA nazyvajecca «samaj značnaj i naŭprostavaj pahrozaj biaśpiecy» aljansu.
Taksama pahrozaj aljansu NATA nazvała pahłybleńnie adnosin Biełarusi i Rasii. «Biełaruś praciahvaje sadziejničać vajnie z Ukrainaj, dajučy svaju terytoryju i infrastrukturu. Pahłybleńnie palityčnaj i vajennaj intehracyi Rasii ŭ Biełaruś, uklučajučy razhortvańnie pieradavoha rasijskaha vajennaha patencyjału i asabovaha składu, maje niehatyŭnyja nastupstvy dla rehijanalnaj stabilnaści i abarony aljansu», — havorycca ŭ dekłaracyi.
Lidary NATA zajavili pra biezadkaznuju jadziernuju rytoryku Rasii i nazvali šantažom sihnały, jakija dasyłaje Maskva, siarod ich — raźmiaščeńnie jadziernaj zbroi ŭ Biełarusi. Pavodle NATA, takim čynam Maskva zajmaje pazicyju stratehičnaha zapałochvańnia.
Akramia Biełarusi, u zajavie taksama nazyvajucca try krainy, jakija sadziejničajuć rasijskaj ahresii suprać Ukrainy: Iran, Paŭnočnaja Kareja i Kitaj.
Pra Kitaj havorycca, što jon akazvaje «vyrašalnuju» padtrymku rasijskaj abaronna-pramysłovaj bazie.
«Zaklikajem KNR jak pastajannaha člena Savieta Biaśpieki AAN spynić usiakuju materyjalnuju i palityčnuju padtrymku vajennych namahańniaŭ Rasii. Heta ŭklučaje i pieradaču materyjałaŭ padvojnaha pryznačeńnia, takich jak kampanienty zbroi, abstalavańnia i syraviny, jakija vykarystoŭvajucca ŭ jakaści faktaraŭ vytvorčaści rasijskaha abaronnaha siektara. KNR nie moža padsiłkoŭvać najbujniejšuju vajnu ŭ Jeŭropie ŭ najnoŭšaj historyi bieź niehatyŭnaha ŭpłyvu na svaje intaresy i reputacyju».
Pačaŭsia praces pieradačy źniščalnikaŭ F-16 Ukrainie — pieršyja samaloty ŭžo na šlachu ŭ krainu
«Dziadźka Andrej, spynisia». Plamieńnica ministra abarony Rasii, jakaja žyvie ŭ ZŠA, źviarnułasia da jaho paśla ataki na Kijeŭ
Novy ŭrad Vialikabrytanii dazvoliŭ vykarystoŭvać brytanskija rakiety Storm Shadow dla ŭdaraŭ pa Rasii
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona9
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary