Rasija vyzvaliła palitykaŭ Kara-Murzu, Jašyna, žurnalista Hierškoviča i vajskoŭca Uiłana
Zroblena heta ŭ ramkach abmienu viaźniami.
Palityki Uładzimir Kara-Murza, Illa Jašyn, žurnalist Evan Hierškovič i Poł Uiłan, były marski piechaciniec, vyjšli siońnia na volu ŭ ramkach abmienu źniavolenymi.
Uładzimir Kara-Murza byŭ asudžany na 25 hadoŭ, Illa Jašyn na vosiem z pałovaj hadoŭ. Evan Hierškovič i Poł Uiłan — na 16 hadoŭ.
Kanał CBS paviedamlaje, što ŭ ramkach abmienu abmianiajuć 24 čałavieki.
Rasijski bok atrymaje vosiem svaich hramadzian, Hiermanii pieradaduć 12 źniavolenych, zajavili surazmoŭcy.
Z amierykancaŭ u śpisie fihurujuć žurnalist Evan Hierškovič i marpiech Poł Uiłan, a taksama žurnalistka Radyjo Svaboda Ałsu Kurmašava, jakaja maje rasijskaje i amierykanskaje hramadzianstva.
Płanujecca, što pres-kanfierencyja z udziełam Illi Jašyna i inšych palitviaźniaŭ adbudziecca siońnia a 20-j u Bierlinie pa minskim časie.
Siońnia paviedamlałasia, što adzin z samalotaŭ vylecieŭ z Kalininhrada ŭ bok Murmanska, a inšy z Maskvy ŭ tureckuju Ankaru. Mahčyma, na borcie ludzi, jakich buduć mianiać.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary
Škada, što siarod biełaruskich palitykaŭ takuju ideju vykazaŭ tolki adzin Zianon Paźniak, ale nichto ź biełaruskich dziejačoŭ, jakija na słuchu, jaho inicyjatyvu nie padtrymaŭ.
A akazvajecca, Paźniak hodnuju ideju prapanavaŭ. Jakaja zaraz paśpiachova realizujecca. Ale tolki ŭ dačynieńni da rasiejskich palitviaźniaŭ. A za našych, biełaruskich, nichto, akramia Paźniaka, nie prasiŭ... A mahli ž vyjści našy...