Ukrainskija bieśpiłotniki ŭrazili vializarny skład bojeprypasaŭ u Ćviarskoj vobłaści
Pad Tarapcom pačaŭsia mocny pažar z detanacyjaj, idzie evakuacyja.
Mahutny pažar pačaŭsia paśla ataki BPŁA ŭ Ćviarskoj vobłaści Rasii. Paźniej hubiernatar rehijona Ihar Rudzienia pryniaŭ rašeńnie ab častkovaj evakuacyi nasielnictva horada.
«Dla biaśpieki žycharoŭ hubiernatar Ćviarskoj vobłaści Ihar Rudzienia pryniaŭ rašeńnie ab častkovaj evakuacyi nasielnictva z terytoryi, dzie viadzie pracu spa i łakalizujecca pažar. Pravodziacca nieabchodnyja mierapryjemstvy. Situacyja znachodzicca na kantroli», — prainfarmavali ŭ pres-słužbie.
Jaki mienavita abjekt haryć, nie ŭdakładniajecca, adnak u sietcy źjavilisia videa vybuchaŭ na miescy pažaru, imavierna, havorka idzie pra vialiki skład bojeprypasaŭ u horadzie Taropiec.
Minabarony Rasii rapartuje pra 54 źbityja ŭkrainskija bieśpiłotniki i maŭčyć pra Taropiec: jano abviaściła, što nad piaćciu rasijskimi abłaściami za noč 18 vieraśnia byli źbityja 54 ukrainskija drony. Pry hetym Ćviarskuju vobłaść, dzie ŭkrainskija drony nanieśli ŭdar pa vialikim składzie bojeprypasaŭ, ministerstva nie zhadała.
Zaraz horad evakuirujuć, na videa miascovych žycharoŭ u rajonie vialikaha składa bojeprypasaŭ kala Taropca čuvać biezupynnuju kananadu, bačnyja vybuchi i pažary na sotni mietraŭ pa haryzoncie.
Jak pišuć vajskovyja ekśpierty, ukrainskija bieśpiłotniki atakavali vielizarny skład 107-ha arsienała Hałoŭnaha rakietna-artyleryjskaha ŭpraŭleńnia — tam zachoŭvalisia rakiety dla RSZA «Hrad», minamiotnyja miny i, mahčyma, zienitnyja rakiety.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary