Vajna22

Stołtenbierh: Samy chutki sposab skončyć vajnu — prajhrać jaje. Ale heta pryniasie nie mir, a rasijskuju akupacyju

«My pavinny razmaŭlać z našymi susiedziami, jak by ciažka heta ni było. Ale dyjałoh dziejničaje tolki tady, kali jon padmacavany mocnaj abaronaj».

Jens Stołtenbierh. Fota: AP Photo / Andreea Alexandru

Vystupajučy na mierapryjemstvie Niamieckaha fondu Maršała «Refleksii na składanaje dziesiacihodździe», hienieralny sakratar NATA Jens Stołtenbierh adznačyŭ, što adnym z urokaŭ minułaha, jakija źjaŭlajucca centralnymi dla pośpiechu NATA ŭ budučym, zaklučajecca ŭ tym, što «vajskovaja mahutnaść źjaŭlajecca pieradumovaj dla dyjałohu».

«My pavinny razmaŭlać z našymi susiedziami, jak by ciažka heta ni było. Ale dyjałoh pracuje tolki tady, kali jon padmacavany mocnaj abaronaj», —

skazaŭ Stołtenbierh i adznačyŭ, što prykład Ukrainy heta nahladna pakazvaje.

«My ŭsie chočam, kab hetaja vajna skončyłasia. Samy chutki sposab skončyć vajnu — prajhrać jaje, ale heta pryniasie nie mir, a rasijskuju akupacyju», — padkreśliŭ hienieralny sakratar aljansu.

Pa słovach Stołtenbierha, Pucin ličyć, što moža dasiahnuć svaich met vajennym šlacham i «vieryć, što moža pieračakać nas».

«Ja nie vieru, što my možam źmianić mierkavańnie Pucina. Ale ja vieru, što my možam źmianić jaho raźlik», —

skazaŭ Stołtenbierh i patłumačyŭ, što pastaŭki bolšaj kolkaści zbroi Ukrainie mohuć prymusić Pucina zrazumieć, što siłaj jon nie atrymaje toje, čaho choča.

«Paradoks zaklučajecca ŭ tym, što čym bolš zbroi my zmožam pastavić Ukrainie, tym bolšaja imaviernaść taho, što my zmožam dasiahnuć miru. Čym macniejšaja naša doŭhaterminovaja padtrymka Ukrainy, tym chutčej moža skončycca vajna», — padkreśliŭ Stołtenbierh.

Hienieralny sakratar NATA adznačyŭ, što Rasija pavinna ŭdzielničać u budučych mirnych pieramovach. Viadoma, što Minskija pahadnieńni paśla ŭvarvańnia Rasii ŭ 2014 hodzie miru nie prynieśli. Tamu lubaja budučaja damoŭlenaść pavinna być padmacavana mocnaj padtrymkaj Ukrainy i nadziejnymi harantyjami biaśpieki, kab zabiaśpiečyć tryvały mir.

«Nie moža być ustojlivaj biaśpieki ŭ Jeŭropie biez stabilnaj Ukrainy. I nie moža być biaśpieki dla Ukrainy bieź jaje členstva ŭ NATA. Dźviery ŭ NATA adkryty. Ukraina dałučycca», — skazaŭ hienieralny sakratar aljansu.

Jens Stołtenbierh taksama zajaviŭ, što krainam NATA ŭžo niedastatkova vydatkoŭvać 2% VUP na abaronu dla vykanańnia ŭzhodnienych płanaŭ i zaklikaŭ krainy aljansu pavialičyć inviestycyi ŭ jaje.

Kamientary2

  • .
    20.09.2024
    > «My ŭsie chočam, kab hetaja vajna skončyłasia. Samy chutki sposab skončyć vajnu — prajhrać jaje, ale heta pryniasie nie mir, a rasijskuju akupacyju»

    Hetym vajna nie skončycca, u lepšym vypadku jana prypynicca. Paśla Rasieja pojdzie dalej. Raz atrymałasia tut, čamu nie praciahvać?
  • Chiejt
    20.09.2024
    Zza Stołtenbierha i pa jaho vinie heta vajna stała biaskoncaj

Ciapier čytajuć

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?2

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Usie naviny →
Usie naviny

Chto b jašče z pakaznoj radaściu pahadziŭsia z prynižalnym vypraŭleńniem? Tolki Łukašenka15

«Znajści numar u hateli možna i za 8 rubloŭ». Biełarus adpraviŭsia ŭ supierekanomnaje padarožža pa krainie1

Stała viadoma, dzie pracuje favarytka Łukašenki Uładlena Zajcava28

U Barsiełonie baćki pakinuli 10-hadovaje dzicia ŭ aeraporcie, kab nie prapali kvitki i adpačynak15

Tramp zajaviŭ pra hatoŭnaść ZŠA da jadziernaha kanfliktu z Rasijaj10

Śviatłana Cichanoŭskaja raskazała pra chvarobu syna i jaho cikavaść da hieapalityki13

Ukrainski sałdat uratavaŭsia z akružeńnia na elektrarovary, jaki jamu skinuli z drona1

Z kastryčnika pačnuć dziejničać novyja praviły ŭjezdu ŭ ES. Što źmienicca dla biełarusaŭ

Žurnalist Ihar Karniej pra toje, jak atrymaŭ u spadčynu represavanyja hieny1

bolš čytanych navin
bolš łajkanych navin

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?2

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić