Raiffeisen zastaniecca bankam-karespandentam Pryjorbanka paśla prodažu
Dolu aŭstryjcaŭ u Pryjorbanku nabyła hrupa z AAE.
Inviestar z AAE SOVEN 1 Holding Limited nabyŭ u Raiffeisen Bank International AG 100% akcyj Raiffeisen CIS Regional Holding GmbH. Mienavita hetaj kampanii naležali 87,74% akcyj biełaruskaha Pryjorbanka.
Takim čynam, dola ŭ Pryjorbanku pierachodzić arabskamu inviestaru. Adnak Raiffeisen pakul zastaniecca bankam-karespandentam, heta značyć pasiarednikam, dla mižnarodnych pieravodaŭ u jeŭra i dalarach, piša dev.by.
«Raiffeisen Bank International maje namier zastavacca bankam-karespandentam. Źmieny ŭsio ž mahčymyja ŭ suviazi z sankcyjami, a taksama źmienaj standartaŭ i ŭnutranaj palityki RBI», — paviedamili ŭ aŭstryjskaj hrupie.
Pryjorbank zajaŭlaŭ, što «praciahnie absłuhoŭvać klijentaŭ u adpaviednaści sa svaimi apieracyjnymi i stratehičnymi bankaŭskimi patrabavańniami».
SOVEN 1 i Raiffeisen buduć pracavać razam z Pryjorbankam, kab dasiahnuć poŭnaha zaviaršeńnia ździełki ŭ čaćviortym kvartale hetaha hoda.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary