Ekśpiert nazvała adzin kryteryj, na jaki važna źviarnuć uvahu pry vybary kvatery na druhasnym rynku
Niezaležny ekśpiert pa nieruchomaści Natalla Litoŭskaja raskazała, čamu ŭ Biełarusi składana znajści dobry varyjant dla kupli žylla na druhasnym rynku. Na jaje dumku, u hetym pytańni na pieršy płan zaŭsiody vychodziać dźvie rečy: cana i ramont. Ci cana za toj ramont, jaki prapanujuć pradaŭcy. Niahledziačy na toje, što prapanoŭ na rynku nieruchomaści dastatkova, mienavita heta zavodzić u tupik. Što ž rabić?
Pa słovach ekśpierta, haspadary vysoka aceńvajuć ramont, tamu što pamiatajuć, jakich sił i hrošaj im heta kaštavała 10-15 hadoŭ tamu.
Adnak prablema ŭ tym, što ramonty starejuć, i patencyjnyja pakupniki łahična nie nastrojeny pierapłačvać.
Vyjście z hetaj situacyi Natalla Litoŭskaja bačyć taki:
— Pierastańcie hladzieć na jakaść ramontu dzie-niebudź, akramia sanvuzłoŭ: ich zanadta doraha pierarablać. Astatniaje pierarobicie adnosna niadoraha. I vybirajcie kvateru pa płaniroŭcy, vidzie z akna, infrastruktury vakoł doma. Ramont, paŭtarusia, praściej rabić pad siabie, — pierakazvaje słovy ekśpierta Telegraf.news.
Kamientary