Jak Rasija najmaje kryminalnikaŭ dla vykanańnia śpiecapieracyj na Zachadzie
Rasija i Kitaj ź Iranam vykarystoŭvajuć bandytaŭ z roznych krain dla samych brudnych zadač.
U lipieni 2020 hoda italjanskaja palicyja kanfiskavała 84 miljony tabletak kaptahonu ŭ porcie Salerna. Narkotyki, košt jakich aceńvajecca ŭ 1 miljard jeŭra, byli vyrableny hrupoŭkaj «Isłamskaja dziaržava» ŭ Siryi, jakaja vykarystoŭvaje narkatrafik dla finansavańnia svaich terarystyčnych apieracyj.
Ale nie tolki samazvanyja ŭtvareńni terarystyčnaha charaktaru vykarystoŭvajuć supracoŭnictva z kryminalnym śvietam dla dasiahnieńnia svaich metaŭ. Jak piša The Wall Street Journal, Rasija i inšyja adyjoznyja aŭtakratyi ŭsio čaściej źviazvajucca z kryminalnymi arhanizacyjami, kab prasoŭvać svaje intaresy i asłabić Zachad.
Naprykład, narkabiznes prynosić režymu Bašara Asada zvyš $2 młrd u hod. Hetyja prybytki častkova dasiahajucca praz vykarystańnie vajskovych suviaziaŭ i kantrabandu taho samaha kaptahonu. Anałahičnuju taktyku vykarystoŭvaje «Chiezbała», nakiroŭvajučy srodki ad handlu narkotykami na finansavańnie svajoj dziejnaści.
Łacinaamierykanskija narkasindykaty atrymlivajuć z Kitaja chimikaty, nieabchodnyja dla vytvorčaści fientaniłu — nadzvyčaj mocnaha sintetyčnaha narkotyku. Heta stanovicca surjoznaj prablemaj dla ZŠA, bo mienavita tam hałoŭny rynak zbytu.
Usio čaściej z kryminalnymi arhanizacyjami supracoŭničaje i Rasija. Hałoŭnaja jaje meta — stvareńnie atmaśfiery chaosu i sabataž na Zachadzie.
Rasijskaje HRU vykarystoŭvaje Telegram dla najmu ludziej, jakija adpraŭlajuć pasyłki z vybuchoŭkaj abo ažyćciaŭlajuć dyviersii.
Šmat chto z hetych vykanaŭcaŭ navat nie zdahadvajecca, što jany pracujuć na Maskvu. Jak adznačajuć češskija śpiecsłužby, Kreml pry hetym apynajecca typu zboku prypioku.
Abjektam dyviersij kramloŭskich proksi moža być što zaŭhodna, uklučna z pasažyrskimi samalotami.
Takim čynam, miaža pamiž kryminalnymi arhanizacyjami i niekatorymi aŭtarytarnymi režymami ŭsio bolš ścirajecca. Złačyncy atrymlivajuć abaronu, jakaja dazvalaje im biespakarana pašyrać złačynnuju dziejnaść, a aŭtakraty — novyja mahčymaści dla ŭzbahačeńnia i ŭździejańnia na Zachad, niahledziačy na sankcyi i ekanamičnyja abmiežavańni.
-
U Iranie ŭzłamali spadarožnikavaje viaščańnie dziaržaŭnych telekanałaŭ — Reza Piechlevi zaklikaŭ zrynuć režym ajatoł VIDEA
-
U Ryzie vyjavili hrupu rasiejskich infarmataraŭ ź liku hramadzian Łatvii, dva ź ich paśpieli źjechać u Biełaruś
-
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA36
Kamientary