Kommiersant: Pytańnie mytaŭ na naftu vynieśli za ramki Mytnaha sajuza

Biełaruś vymušana kančatkova sastupić Maskvie ŭ hetym pytańni.

Kamisija Mytnaha sajuza paśla šmathadzinnych pieramovaŭ kančatkova ŭzhadniła tekst Mytnaha kodeksa dla Rasii, Kazachstana i Biełarusi, jaki maje ŭvajści ŭ dziejańnie z 1 lipienia, paviedamlaje rasijskaja hazieta «Kommiersant». Pytańnie ab naftavych ekspartnych mytach Rasiei nie budzie abmiarkoŭvacca ŭ ramkach Mytnaha sajuza — hetyja pytańni vyrašana ŭklučyć u damovy ab stvareńni adzinaj ekanamičnaj prastory, jakaja pačnie pracavać nie raniej 2012 hoda, a moža i na śviatoha nikoli.

Ale ŭ pytańni raźmierkavańnia mytaŭ ad impartu Rasija pajšła na peŭnyja sastupki Biełarusi — jaje dolu ŭ dachodach sajuza vyrašana pieraličyć.

Pasiadžeńnie ŭ vielmi niervovym režymie išło kala šaści hadzin, pa jaho vynikach ŭčora aficyjnych paviedamleńniaŭ ad imia kamisii sajuza nie było zroblena.

Dakładnyja ličby raźmierkavańnia płaciažoŭ taksama pakul nie nazvanyja. Na studzieńskim pasiadžeńni mierkavałasia, što Rasieja budzie atrymlivać 86,5% płaciažoŭ, Kazachstan — 8,5%, Biełaruś — 5%, ale naša kraina chacieła pavialičyć svaju dolu. Pavodle źviestak haziety «Kommiersant», Rasieja ŭ vyniku była vymušana pajści na sastupki.

Ahienctva BiełTA pryvodzić zajavu vice-premjera Andreja Kabiakova pavodle vynikaŭ pasiadžeńnia ab tym, što rasijski bok sastupiŭ pazicyjam biełaruskaha i kazachstanskaha bakoŭ u pytańni dolaŭ pry raźmierkavańni mytaŭ. «U pryncypie biełaruski bok hetym vynikam zadavoleny», — skazaŭ Kabiakoŭ.

Jak piša «Kommiersant», i Kazachstan, i Biełaruś pahadzilisia ź inicyjatyvaj Rasiei: usie «naftavyja» pytańni, u tym liku pošliny na pastaŭki nafty, vyniesienyja za miežy pahadnieńniaŭ Mytnaha sajuza, ale ŭniesieny ŭ paradak pahadnieńniaŭ ab Adzinaj ekanamičnaj prastory.

Aficyjnyja asoby Biełarusi i biełaruskija ekanamisty nie raz adznačali, što Biełarusi niama karyści ad udziełu ŭ Mytnym sajuzie, kali za jaho dužki vynosiacca enerhanośbity. Adnak Minsk naŭrad ci rašycca vyrvacca z mytnaj pastki, u jakuju jaho durnaja paniesła. U Minsku bajacca, što Maskva zaraz zmoža skarystacca faktam vychadu Biełarusi z mytnaha pahadnieńnia, kab na hetaj padstavie ŭvieści ekspartnyja myty na haz, čaho daŭno dabivajecca rasiejski Minfin. A heta pryviało b skačka cenaŭ na rasijski haz — asnoŭnuju krynicu enerhii dla Biełarusi.

• 0
• 0
• 0
• 0
• 0
• 0
• 0
• 0