Prapahanda kazała, što Polšča zajzdrościć Biełarusi, bo ŭ jaje niama kasmanaŭta. Chutka budzie, i heta sapraŭdny navukoviec
Viasnoj 2025 hoda ŭ misiju na MKS adpravicca doktar navuk Słavaš Uznański.
Misija Słavaša Uznańskaha na Mižnarodnuju kaśmičnuju stancyju atrymaje nazvu IGNIS, što ŭ pierakładzie z łacinskaj movy aznačaje «ahoń». Pieršy kasmanaŭt u historyi postkamunistyčnaj Polščy adpravicca na MKS nie raniej za krasavik 2025 hoda.
Uznański palacić na arbitu ŭ składzie misii Axiom Mission 4 pryvatnaj kampanii Axiom Space. Palot spansuje Jeŭrapiejskaje kaśmičnaje ahienctva. Karabiel Crew Dragon kampanii SpaceX dastavić na MKS taksama amierykanku Pehi Uitsan, indyjca Šubchanšu Šukłu i vienhra Tybora Kapu. Dla ŭsich, akramia Uitsan, heta budzie pieršy kaśmičny palot. Misija praciahniecca 14 dzion.
Niadaŭna praŭładny palitołah z Akademii kiravańnia Alaksandr Markievič zajaŭlaŭ, što Polšča razhladaje Biełaruś jak voraha praz zajzdraść. Adnoj z pryčyn takoj zajzdraści jon nazvaŭ palot u kosmas Maryny Vasileŭskaj.
«A jakija dasiahnieńni? Biełaruś pabudavała atamnuju stancyju, a Polšča tolki źbirajecca. Polskija kasmanaŭty jość? Jość Mirasłaŭ Hiermašeŭski. Ale heta jašče sacyjalistyčnaja Polšča. My ŭ kosmas palacieli. IT-technałohii raźvivajucca. Čym im hłabalna hanarycca?», — kazaŭ Markievič.
Što ž, chutka hetaja pryčyna dla «zajzdraści» źniknie. Darečy, Uznański, u adroźnieńnie ad byłoj stiuardesy «Biełavija», palot u kosmas jakoj mieŭ usie prykmiety turystyčnaha, źjaŭlajecca prafiesijnym navukoŭcam. Jon abaraniŭ doktarskuju ŭ francuzskim Univiersitecie Mižziemnamorja pa temie radyjacyjna-ŭstojlivych kanstrukcyj dla prymianieńnia ŭ kosmasie. Da 2023 hoda Uznański pracavaŭ u Jeŭrapiejskim centry jadziernych daśledavańniaŭ, a paśla byŭ abrany z 22 tysiač pretendentaŭ u jakaści polskaha astranaŭta.
U kosmasie Uznański praviadzie 13 ekśpierymientaŭ u halinie technałohij, bijałohii, miedycyny i psichałohii, padrychtavanych polskimi navukoŭcami i inžynierami.
Vasileŭskaja raskazała, jak dziakujučy joj moładź adryvajecca ad telefonaŭ i pačynaje vučycca
Pieršaja biełaruskaja kaśmičnaja turystka Maryna Vasileŭskaja pradaje svoj ajfon
Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
Ułady ŭsio ž vyrašyli dać Marynie Vasileŭskaj dypłom dziaržaŭnaha ŭniviersiteta
Botaŭ adpravili adbielvać Vasileŭskuju, stała viadomaja mietadyčka
Kamientary