«Ciapier biehać za im prapanoŭvać na padnosiku?» Rajvykankam aburyŭsia skarhami eks-sienatara, jaki nie moža znajści pracu
Niadaŭna vydańnie «Fłahštok» apisvała, jak były sienatar i prapahandyst z Rahačova Andrej Šyškin nie moža znajści pracu. Błohier Andrej Pavuk paśla hetaha pazvaniŭ u rajvykankam razabracca.
Razmovu błohier apublikavaŭ u pieradačy «Šuchier-šou» na «Biełsacie».
Načalnik adździeła zaniataści nasielnictva Alaksandr Končyc u razmovie z Pavukom skazaŭ, što Šyškinu prapanoŭvali kirujučuju pasadu (u dobraachvotnym tavarystvie sadziejničańnia aviacyi, armii i fłotu), ź nievialikim zarobkam, ale toj nie zachacieŭ.
«Ja jamu staŭ prapanoŭvać što-niebudź z kirujučaha, jon skazaŭ, što nie treba ničoha, što ŭ jaho jość dypłom traktarysta, kačahara — što heta jaho cikavić», — dadaŭ Končyc.
Andrej Pavuk patelefanavaŭ taksama staršyni Rahačoŭskaha rajvykankama Vitalu Suško. Suško skazaŭ, što Šyškin zvolniŭsia z haziety praz stomlenaść. A kali napisaŭ u sacsietkach, što nie moža znajści pracu, jaho paklikali ŭ vykankam spytać, jak dapamahčy.
«Admoviŭsia: «Nie, dziakuj, ja nie maju patreby ŭ pasłuhach, sam budu šukać pracu». Kali jon sychodziŭ, ja jamu kazaŭ: treba budzie praca — prychodźcie, dapamožam, padbiarom toje, što vam treba».
Suško aburyŭsia tym, što Šyškin napisaŭ u sacsietkach.
«Adrazu treba było navalać artykuł abo pryjści ŭ vykankam? Jaho ž nichto nie vykidvaŭ. Dy nie pytańnie, kali b ja viedaŭ. Voś tolki što ŭzhadnili namieśnika dyrektara pa ideałohii na lashas. Ja b jaho tudy namieśnikam adpraviŭ. Ale jon ža nie pryjšoŭ! A my litaralna tydzień tamu ŭziali tudy na pracu čałavieka.
Dyk ciapier treba biehać za im prapanoŭvać na padnosiku? Ty tam artykuł valaješ ŭ internecie, usie padchoplivajuć, dyk ty naohuł narmalny?».
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary
Ideołah u leschoz...
Kapiec, užo jełkam u lesie ideałohiju ŭciuchvajuć