Abiacanych Trampam chutkich mirnych pieramoŭ pa Ukrainie nie atrymajecca
Dvoje daradcaŭ abranaha prezidenta ZŠA Donalda Trampa ŭ hutarcy z ahienctvam Reuters pryznali, što na dasiahnieńnie mirnaha pahadnieńnia pojduć miesiacy. Pavodle ich słoŭ, abiacańnie Trampa ŭ pieršy ž dzień pamiryć Ukrainu i Rasiju było spałučeńniem pieradvybarčaj rytoryki i adsutnaści razumieńnia składanaści kanfliktu.
Taksama Tramp, pavodle słoŭ jahonych daradcaŭ, nie pryniaŭ pad uvahu čas, jaki patrebny dla farmavańnia novaj administracyi.
Hetyja acenki supadajuć z zaŭvahami novaha śpiecpasłańnika Trampa pa pytańniach Rasii i Ukrainy, adstaŭnoha hienierała Kita Kiełaha, jaki zajaviŭ, što budučy prezident zmoža prapanavać «prymalnuju pastanovu» dla zakančeńnia vajny «najbližejšym časam», nazyvajučy termin 100 dzion.
Zrešty, navat acenka Kiełaha «zanadta, zanadta aptymistyčnaja», cytuje Reuters Džona Chierbsta, eks-ambasadara ZŠA va Ukrainie, jaki ciapier pracuje ŭ analityčnym centry Atlantic Council.
Daradcy Trampa padtrymlivajuć ideju vyklučyć mahčymaść siabroŭstva Ukrainy ŭ NATA z paradku dnia, prynamsi ŭ ahladnaj budučyni, i zamarozić ciapierašnija linii frontu.
U materyjale havorycca, što Rasija demanstruje «nieadnaznačnyja» sihnały pra hatoŭnaść da pieramovaŭ, a ŭ Pucina jość stymuł adkładać zaklučeńnie ŭhody, bo jon imknucca zaniać jak maha bolš ukrainskich terytoryj.
Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
Tramp nie płanuje pakidać Kijeŭ biez padtrymki, bo baicca novaha Afhanistana
Šviejcaryja zajaviła pra hatoŭnaść pryniać sustreču Pucina i Trampa pa rasijska-ŭkrainskaj vajnie
Pucin płanuje abmierkavać z Trampam nieŭstupleńnie Kijeva ŭ NATO
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby7
Kamientary