Kolki biełarusaŭ padtrymlivaje Rasiju ŭ vajnie? Vyniki novaha apytańnia
Sacyjołahi pakazali taksama, ci źmianiłasia mierkavańnie hramadstva pa hetym pytańni za try hady vajny.
Ekśpierty Chatham House pradstavili novaje daśledavańnie. Siarod pytańniaŭ — jak ludzi staviacca da vajny Rasii va Ukrainie.
Apytańnie, pra jakoje idzie havorka, prachodziła ŭ śniežni 2024-ha — studzieni 2025-ha, u im paŭdzielničali 833 biełarusy. Aŭtary daśledavańnia pryznajuć, što vyniki takich apytańniaŭ u Biełarusi mohuć być skažonyja praz faktar strachu — častka respandentaŭ aścierahajecca vykazvać krytyčnyja dumki nakont ułady. Ale, upeŭnienyja aŭtary, faktar strachu nie budzie kardynalna skažać vyniki apytańnia.
Pytańnie pra vajnu hučała tak: «Vy padtrymlivajecie ci nie padtrymlivajecie vajennyja dziejańni rasijskich vojskaŭ na terytoryi Ukrainy?»
Vyniki pakazvajuć, što ŭ hramadstvie zachoŭvajucca antyvajennyja nastroi. Całkam ci častkova Rasiju ŭ vajnie padtrymlivaje 32% apytanych, nie padtrymlivaje 40%. Amal tracina — 29% — abrała varyjant «ciažka adkazać». Heta moža aznačać, što vialikaja dola apytanych ź mierkavańniaŭ biaśpieki abiraje nie adkazvać na takoje pytańnie.
Za try hady vajny, zhodna z apytańniami Chatham House, mierkavańnie biełarusaŭ pa hetym pytańni amal nie źmianiłasia.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary
Što z taho, što suprać vajny (i toje častka), kali chapaje tych, jakija suprać vajny jak takoj, ale za Rasiju, rasiejskuju movu, kulturu, papkulturu, ŭmoŭna ich rubli i tak dalej.
Jano hučyć adnačasna jak
Ci padtrymlivajecie vy vajnu?
I ci padtrymlivajecie vy rasiju ŭ vajnie.
Chacia adkazy ŭ adnaho čałavieka mohuć być roznymi.
Treba było pytać prosta - Na čyim vy baku?
I varyjanty
1 Rasija
2 Ukraina
3 Trasca im usim.