Колькі беларусаў падтрымлівае Расію ў вайне? Вынікі новага апытання
Сацыёлагі паказалі таксама, ці змянілася меркаванне грамадства па гэтым пытанні за тры гады вайны.
Эксперты Chatham House прадставілі новае даследаванне. Сярод пытанняў — як людзі ставяцца да вайны Расіі ва Украіне.
Апытанне, пра якое ідзе гаворка, праходзіла ў снежні 2024-га — студзені 2025-га, у ім паўдзельнічалі 833 беларусы. Аўтары даследавання прызнаюць, што вынікі такіх апытанняў у Беларусі могуць быць скажоныя праз фактар страху — частка рэспандэнтаў асцерагаецца выказваць крытычныя думкі наконт улады. Але, упэўненыя аўтары, фактар страху не будзе кардынальна скажаць вынікі апытання.
Пытанне пра вайну гучала так: «Вы падтрымліваеце ці не падтрымліваеце ваенныя дзеянні расійскіх войскаў на тэрыторыі Украіны?»
Вынікі паказваюць, што ў грамадстве захоўваюцца антываенныя настроі. Цалкам ці часткова Расію ў вайне падтрымлівае 32% апытаных, не падтрымлівае 40%. Амаль траціна — 29% — абрала варыянт «цяжка адказаць». Гэта можа азначаць, што вялікая доля апытаных з меркаванняў бяспекі абірае не адказваць на такое пытанне.
За тры гады вайны, згодна з апытаннямі Chatham House, меркаванне беларусаў па гэтым пытанні амаль не змянілася.
Цяпер чытаюць
У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку4
Каментары
Што з таго, што супраць вайны (і тое частка), калі хапае тых, якія супраць вайны як такой, але за Расію, расейскую мову, культуру, папкультуру, ўмоўна іх рублі і так далей.
Яно гучыць адначасна як
Ці падтрымліваеце вы вайну?
І ці падтрымліваеце вы расію ў вайне.
Хаця адказы ў аднаго чалавека могуць быць рознымі.
Трэба было пытаць проста - На чыім вы баку?
І варыянты
1 Расія
2 Украіна
3 Трасца ім усім.