Paŭnočnaja Kareja vyprabavała stratehičnyja kryłatyja rakiety i pryhraziła ZŠA
Paŭnočnaja Kareja praviała vyprabavańni stratehičnych kryłatych rakiet marskoha bazavańnia, zapuščanych z padvodnaj łodki. Rakiety pralacieli kala 1500 kiłamietraŭ pa avalnaj i vaśmipadobnaj trajektoryjach, paśla čaho dakładna parazili celi, piša Bild.
Lidar KNDR Kim Čen Yn asabista naziraŭ za vyprabavańniami, padkreśliŭšy, što jany nie paŭpłyvali na biaśpieku susiednich krain.
U toj ža dzień Ministerstva zamiežnych spraŭ Paŭnočnaj Karei vystupiła z zajavaj, abvinavaciŭšy ZŠA i Paŭdniovuju Kareju ŭ vajennych pravakacyjach praź ich supolnyja vajskovyja vučeńni.
Pchieńjan pahražaje «maksimalna žorstkim procidziejańniem» u adkaz na dziejańni, jakija, na jaho dumku, pahražajuć suvierenitetu i biaśpiecy KNDR.
Hetyja padziei adbyvajucca na fonie raniejšych zajaŭ prezidenta ZŠA Donalda Trampa ab namiery adnavić kantakt z Kim Čen Ynam, jakoha jon nazvaŭ «razumnym chłopcam».
Pieršy samit pamiž Trampam i Kimam adbyŭsia ŭ 2018 hodzie, i, mahčyma, lidary rychtujucca da novaj sustrečy.
Takim čynam, niahledziačy na abvastreńnie rytoryki i praviadzieńnie rakietnych vyprabavańniaŭ, zastajecca vierahodnaść adnaŭleńnia dyjałohu pamiž ZŠA i Paŭnočnaj Karejaj.
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary