Alaksandr Łukašenka 4 lutaha pryniaŭ z dakładam hienieralnaha prakurora Andreja Švieda. Temaj stała kryminahiennaja abstanoŭka ŭ krainie, piša BiełTA.
Łukašenka daručyŭ razam ź dziaržaŭnym sakratarom rady biaśpieki padrychtavać pasiadžeńnie pa padviadzieńni vynikaŭ i vyznačeńni dalejšych krokaŭ.
Zakranuŭ Łukašenka i dziejnaść Hienieralnaj prakuratury i kamisii pa viartańni hramadzian na radzimu, jakuju ŭznačalvaje Švied.
«Vašy ŭražańni, vašy mierkavańni. Jak nam ruchacca dalej? Varta zachavać hetuju kamisiju abo jana ŭžo nie patrebnaja?» — spytaŭ jon
Łukašenka adznačyŭ, što zacikaŭleny ŭ praciahłym isnavańni kamisii, pakolki jana daje dadatkovy punkt hledžańnia.
Jon taksama zakranuŭ temu karupcyi:
— My jak by mienš ciapier havorym pra hetuju prablemu. Situacyja nie pahoršyłasia i nie palepšyłasia, ale vypadki ŭsio jašče zdarajucca. Ab hetym mnie dakładvajuć adpaviednyja orhany.
Jon paprasiŭ Andreja Švieda acanić situacyju i dać rekamiendacyi pa dalejšych krokach u hetym napramku.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA8
Kamientary
— ... Situacyja nie pahoršyłasia i nie palepšyłasia,
...
kanstatavaŭ barec z karupcyjaj praz 30+ hadoŭ kiravańnia