Аляксандр Лукашэнка 4 лютага прыняў з дакладам генеральнага пракурора Андрэя Шведа. Тэмай стала крымінагенная абстаноўка ў краіне, піша БелТА.
Лукашэнка даручыў разам з дзяржаўным сакратаром рады бяспекі падрыхтаваць пасяджэнне па падвядзенні вынікаў і вызначэнні далейшых крокаў.
Закрануў Лукашэнка і дзейнасць Генеральнай пракуратуры і камісіі па вяртанні грамадзян на радзіму, якую ўзначальвае Швед.
«Вашы ўражанні, вашы меркаванні. Як нам рухацца далей? Варта захаваць гэтую камісію або яна ўжо не патрэбная?» — спытаў ён
Лукашэнка адзначыў, што зацікаўлены ў працяглым існаванні камісіі, паколькі яна дае дадатковы пункт гледжання.
Ён таксама закрануў тэму карупцыі:
— Мы як бы менш цяпер гаворым пра гэтую праблему. Сітуацыя не пагоршылася і не палепшылася, але выпадкі ўсё яшчэ здараюцца. Аб гэтым мне дакладваюць адпаведныя органы.
Ён папрасіў Андрэя Шведа ацаніць сітуацыю і даць рэкамендацыі па далейшых кроках у гэтым напрамку.
Каментары
— ... Сітуацыя не пагоршылася і не палепшылася,
...
канстатаваў барэц з карупцыяй праз 30+ гадоў кіравання