Lova «Bi-2» raskazaŭ, jak jaho sprabavali raźvieści prankiery Vavan i Leksus i vyciahnuć na sustreču
Salist hurta «Bi-2» apublikavaŭ post, u jakim raskazaŭ, jak jaho sprabavali padmanuć prankiery Vavan i Leksus. «Ja nie viedaju, što mianie mahło čakać u Turynie, ale, dumaju, ničoha dobraha».
Jak raspavioŭ Lova ŭ instahramie, jaho sprabavali vyciahnuć na sustreču ŭ Turyn prankiery, źviazanyja z rasijskimi śpiecsłužbami, Leksus i Vavan.
Pavodle słoŭ Lovy, pad vyhladam relihijnych habrejaŭ, jakija prapanujuć paŭmiljona dalaraŭ, prankiery pryznačyli jamu sustreču. Usie pieramovy viali ad asoby fejkavaha Aleha Kašyna.
«Ja nie viedaju, što mianie mahło čakać u Turynie, ale dumaju ničoha dobraha. Prakałolisia jany chutka, bo ŭjaŭlajuć ź siabie zvyčajnych dvoječnikaŭ <…> A telefanavali z numara, jaki ŭžo vykarystoŭvaŭsia ŭ pranku z Majkłam Makfołam», — napisaŭ Lova.
25 studzienia 2024 hoda muzykaŭ hurta «Bi-2» zatrymali paśla kancertu na Pchukiecie. Zatrymańniem naŭprost kiravali rasijskija ŭłady, heta była pakazalnaja rasprava nad muzykami, jakija nie padtrymlivajuć vajnu. Tolki praź cisk dypłamataŭ i hramadskaści muzykaŭ adpuścili i departavali ŭ Izrail.
Ciapier čytajuć
Što Babaryka i Kaleśnikava adkazali na pytańni pra vajnu20
Kamientary