Dalnabojščyk pieraabstalavaŭ dno fury, kab zavieźci z Polščy ŭ Biełaruś pryceły
Biełaruski dalnabojščyk pasprabavaŭ zavieźci z Polščy ŭ Biełaruś ciepłavizijnyja pryceły i padšypniki. Dla hetaha jon abstalavaŭ u fury padvojnaje dno, ale bresckija mytniki ŭsio adno znajšli hruz. Ciapier kiroŭcu čakaje sud, paviedamlaje Mytny kamitet.
Na mytni aŭtamabil ahledzieli z dapamohaj skaniera i vyrašyli pravieści dahlad.
«Jak vynik, sa skanstrujavanych nišaŭ vyniata 352 adzinki adnaradnych radyjalnych šarykavych padšypnikaŭ i ciepłavizijnych prycełaŭ», — raskazali mytniki.
Košt znojdzienaha ŭ schovankach tavaru składaje kala 55 tys. rubloŭ.
Bresckaja mytnia pačała administracyjny praces u adpaviednaści z č. 2 art. 15.1 KaAP (za niezakonnaje pieramiaščeńnia tavaraŭ praź miažu). Hruz i transpartny srodak kanfiskavali. Ich los vyznačyć sud.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary