Za studzień u Biełarusi zabłakiravali bolš za dźvie tysiačy internet-resursaŭ
Kala siami tysiač infarmacyjnych materyjałaŭ u Biełarusi pryznany «ekstremisckimi», raspavioŭ ministr infarmacyi Marat Markaŭ.
U 2024 hodzie «ekstremisckimi» ŭłady pryznali kala troch tysiač materyjałaŭ. Akramia taho, u krainie zabłakavanyja 15 150 internet-resursaŭ.
Pry hetym tolki za studzień ułady zabłakavali bolš za dźvie tysiačy resursaŭ, jakija, pa ich mierkavańni, supiarečać intaresam dziaržavy, piša «SB».
«Tolki za studzień padčas pieradvybarčaj kampanii my byli vymušany abmiežavać dostup da amal 2200 takich resursaŭ.
Heta nie kaža ab tym, što Ministerstva infarmacyi takoje złoje i ŭsio zabaraniaje. Heta śviedčyć ab tym, što na stvareńnie takich resursaŭ układvajucca dziesiatki miljonaŭ dołaraŭ dla taho, kab jany pracavali na razvał našaj dziaržavy. Heta značyć my ŭvieś čas znachodzimsia ŭ stanie infarmacyjnaha supraćborstva. Chto dumaje, što heta nie tak — žyvie ŭ śviecie iluzij», — ličyć Markaŭ.
«Ekstremisckimi» ŭ Biełarusi pryznanyja praktyčna ŭsie niezaležnyja ŚMI i błohi, a taksama mnostva asabistych staronak u sacsietkach jak viadomych, tak i niepubličnych biełarusaŭ. Ułady błakujuć dostup da lubych resursaŭ, jakija tranślirujuć alternatyŭnuju aficyjnaj paviestku. Pryčym, kab patrapić u zabaronieny śpis, zusim nie abaviazkova publikavać palityčny kantent.
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»19
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3636
Kamientary