Akramia ŭłasna vaflaŭ, jakija padabajucca i małym, i darosłym, vafielnicu možna vykarystoŭvać dla hatavańnia i bolš aryhinalnych straŭ, pryčym nie tolki sałodkich, ale i salonych.
Kali vy zajmieli vafielnicu, vam taksama mohuć stać terminova patrebnyja miksier i blendar, kab rabić ciesta. Taksama moža spatrebicca silikonavy pendźlik dla razmazvańnia masła i silikonavyja ščypcy dla vymańnia vafiel.
U astatnim — ciapier dla vas adkryta bieźlič mahčymaściaŭ dla hatavańnia prostych i smačnych straŭ. Prapanujem niekatoryja.
Kłasičnyja bielhijskija vafli
Spatrebicca:
- 2 ¼ šklanki muki
- 1 st. łyžka sody
- 3 stałovyja łyžki cukru
- ½ čajnaj łyžki soli
- 1 čajnaja łyžka karycy
- 2 jajki
- ½ šklanki aleju
- 2 kubki małaka
- 1 čajnaja łyžka vanilnaj esencyi
Jak hatavać:
Złučycie suchija inhredyjenty ŭ vialikaj miscy. Uźbicie jaječnyja białki ŭ mocnuju pienu. Źmiašajcie jaječnyja žaŭtki z masłam, małakom i vanillu, zatym dadajcie ŭ muku. U kancy dadajcie jaječnuju pienu i akuratna źmiašajcie ŭsie razam. Vylicie ciesta na papiarednie razahretuju vafielnicu, apyrskajcie alejem i vypiakajcie da załacistaha koleru.
Amlet u vafielnicy
Spatrebicca:
- 2 jajki
- 1 pierac luboha koleru
- 1 miasisty pamidor
- 1 maleńkaja cybulina
- 2 st. ł. małaka
Jak hatavać:
Narežcie harodninu nievialikimi kubikami. Uźbicie jajki z małakom i prypraŭcie pa smaku sollu i piercam. Dadajcie harodninu da jajek. Vylicie apałonikam na zmazanuju tłuščam vafielnicu i vypiakajcie da hatoŭnaści. Padavajcie z sałataj sa śviežaj harodniny.
Kurynaja kiesadzilla
Spatrebicca:
- 2 saśpiełyja avakada
- 2 st. ł. zdrobnienaj čyrvonaj cybuli
- 2 st. ł. soku łajma
- 2 st. ł. narezanych pamidoraŭ
- 5 st. ł. siečanaj kalandry
- 8 maleńkich tarcillaŭ
- 1 1/3 šklanki ciortaha syru
- 180 h varanaj kurynaj hrudki
Jak hatavać:
Razamnicie miakać avakada ŭ miscy videlcam, dadajcie cybulu, sok łajma, pamidory, 1 čajnuju łyžku kalandry, sol i pierac pa smaku. Pakładzicie 1 tarcillu na pavierchniu papiarednie razahretaj i zmazanaj masłam vafielnicy. Vykładzicie ŭ centr 1/3 šklanki syru i raŭnamierna raźmiarkujecie jaho, pakinuŭšy pa krai 1 sm. Źvierchu pakładziecie ¼ kurycy, narezanaj nievialikimi kavałačkami, i 1 čajnuju łyžku kalandry. Nakryjcie ŭsie druhoj tarcillaj i zapiakajcie 2—3 chviliny. Aściarožna źnimicie kiesadzillu i pryhatujcie jašče try takija ž z astatnimi inhredyjentami. Narežcie trochkutnikami i padavajcie ciopłymi z sousam z avakada.
Ciapier čytajuć
Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach5
Kamientary