Minčanka zajšła ŭ hości da siabroŭki i ledź nie stała achviaraj zabojstva
Adnojčy paśla pracy minčanka, jakaja pražyvaje na vulicy Špiloŭskaha, zajšła ŭ hości da svajoj susiedki. Žančyny sieli na kuchni, kab parazmaŭlać, paviedamlajuć Minsk-naviny
U hety čas u kvateru zajšoŭ ich 40-hadovy ahulny znajomy. Jon byŭ mocna pjany. Mužčyna pačaŭ nieści biazhłuździcu i čaplacca da hości.
Spačatku jon zapatrabavaŭ, kab žančyna ŭstała z kresła. Kali jana vykanała jaho prośbu, jon pačaŭ łajacca na jaje, prycisnuŭ da ściany i pačaŭ dušyć.
Dalej, utrymlivajučy za šyju, jon padymaŭ jaje i pahražaŭ zabojstvam i źbićciom.
Haspadynia kvatery pieraškodziła złačyncu
Ale pjany debašyr nie spyniŭsia navat paśla hetaha — schapiŭ nož i nakinuŭsia ź im na žančynu.
U hety momant haspadynia kvatery vybiła nož i patelefanavała ŭ milicyju, jakaja zatrymała napadnika.
Suprać jaho zaviedziena kryminalnaja sprava pa fakcie pahrozy zabojstvam i naniasieńnia ciažkich cialesnych paškodžańniaŭ.
Mužčynu pahražaje da troch hadoŭ pazbaŭleńnia voli.
U prakuratury adznačyli, što jon užo trojčy pryciahvaŭsia da kryminalnaj adkaznaści i maje nie źniatuju i nie pahašanuju sudzimaść.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary