Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»
U kałonijach admysłova ŭviali novuju pasadu dla achovy kałonij, a patrulnyja ŭnutranych vojskaŭ zaraz uzbrojeny ahniastrelnaj zbrojaj, što «biesprecedentna» dla SND. Pra heta ŭ intervju SB.by raskazaŭ namieśnik ministra ŭnutranych spraŭ, kamandujučy ŭnutranymi vojskami Mikałaj Karpiankoŭ.
Karpiankoŭ raskazaŭ, što «navacyi zakranuli i sistemy achovy papraŭčych ustanoŭ».
«Ich pierymietr abaronieny dastatkova nadziejna, dla niedapuščeńnia ŭciokaŭ asudžanych zroblena šmat. Ale my pajšli dalej. Kab navat sproby ŭciokaŭ nie było, uviali ŭ skład varty pa achovie PK dadatkovyja pasady apierataraŭ dronaŭ, dobra ich navučyli. Bieśpiłotniki ablatajuć terytoryi kałonij, hladziać, chto z asudžanych dzie znachodzicca, i nikomu nie dazvalajuć navat nablizicca da ŭnutranaj zabaronienaj zony. A kali ŭsio ž adbuducca ŭcioki, to ad dronaŭ ź ciepłavizarami schavacca praktyčna niemahčyma», — raspavioŭ Karpiankoŭ.
Va ŭsich papraŭčych ustanovach, kaža jon, karavuły dazbrojenyja i prajšli dadatkovuju padrychtoŭku.
Akramia taho, patrulnyja ŭnutranych vojskaŭ zaraz uzbrojenyja ahniastrelnaj zbrojaj.
«Uručajem «makaravy» ŭ tym liku vajskoŭcam terminovaj vajskovaj słužby, jakija vychodziać na maršruty patrulavańnia. Dziakujučy ŭkaranieńniu takoj biesprecedentnaj dla krain SND praktyki zrobleny surjozny krok. Jaho meta ŭ pieršuju čarhu prafiłaktyka teraktaŭ, niedapuščeńnie ŭ Biełarusi trahiedyj, padobnych da masavaj bojni ŭ padmaskoŭnym «Krokus Sici Chole». Starejšyja vajskovych naradaŭ uzbrojeny aŭtamatyčnaj zbrojaj, a tam, dzie my vykonvajem zadačy pa zabieśpiačeńni hramadskaj biaśpieki, pracujuć reziervy — hrupy chutkaha reahavańnia padraździaleńniaŭ śpiecpryznačeńnia, hatovyja pryjści na dapamohu», — raspavioŭ jon.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj41
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary