19 sakavika Ukraina i Rasija praviali abmien pałonnymi ŭ farmacie 175 na 175. Jaho ŭčora anansavaŭ paśla razmovy z Donaldam Trampam Uładzimir Pucin. Rasija taksama pieradała Ukrainie «ŭ jakaści žestu dobraj voli» 22 ciažkaparanienych vajennapałonnych, jakija majuć patrebu ŭ terminovaj miedycynskaj dapamozie.
Abmien prachodziŭ praz terytoryju Biełarusi.
«U ciapierašni čas usie rasijskija vajskoŭcy znachodziacca na terytoryi Respubliki Biełaruś, dzie im akazvajecca nieabchodnaja psichałahičnaja i miedycynskaja dapamoha, a taksama dadziena mahčymaść źviazacca sa svajakami», — paviedamlaje Minabarony Rasii.
«Heta adzin z najbujniejšych abmienaŭ. Viartajucca našy sałdaty, siaržanty i aficery. Vajary, jakija zmahalisia za našu svabodu ŭ šerahach Uzbrojenych sił, VMS, Nachvardyi, Sił terytaryjalnaj abarony i Pamiežnaj słužby. Jany abaraniali Ukrainu na roznych napramkach — u Maryupali, na «Azoŭstali», na Danieččynie, Łuhanščynie, Chiersonščynie, a taksama na Charkaŭščynie, Mikałajeŭščynie, Zaparožžy, Sumščynie i Kurščynie», — zajaviŭ prezident Ukrainy Uładzimir Zialenski, apublikavaŭšy fota vyzvalenych ukrainskich vajaroŭ.
Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady
ZŠA i Rasija zrabili zajavy paśla razmovy Trampa i Pucina
«Vielmi dobraja i praduktyŭnaja». Tramp prakamientavaŭ svaju razmovu z Pucinym
«My budziem adkazvać na ŭsie ŭdary z boku Rasii». Zialenski adreahavaŭ na zajavu Kramla paśla pieramoŭ z ZŠA
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?8
Kamientary