Sinoptyk Dźmitryj Rabaŭ raspavioŭ pra nadvorje ŭ Biełarusi z 24 pa 30 sakavika.
Pa słovach sinoptyka, u pieršuju pałovu viasny zaŭsiody zdarajucca «zmahańni» pamiž ciapłom i choładam. U krainie na tydni z 24 pa 30 sakavika nadvorje akažacca niaŭstojlivym — jaho sapsujuć atmaśfiernyja franty, a taksama pavietranyja masy, jakija
pryniasuć daždžy, a miescami viečaram i nočču mokry śnieh. Akramia taho, uzmocnicca viecier. Adnak siaredniaja tempieratura budzie vyšej za normu na 3-5 hradusaŭ.
Na pačatku tydnia budzie pieravažać pieramiennaja vobłačnaść, projduć karotkačasovyja daždžy. U načnyja i ranišnija hadziny vierahodny słaby tuman. Viecier budzie paŭdniovym. U paniadziełak, 24 sakavika, nočču prahnazujecca ad -1 da +6 hradusaŭ, dniom — ad +3 da +10 hradusaŭ. U aŭtorak, 25 sakavika, dniom pavietra prahrejecca da +8 hradusaŭ.
U siaredzinie tydnia nadvorje budzie zaležać ad vilhotnych pavietranych mas. Budzie pachmurna z prajaśnieńniami, u bolšaści rajonaŭ projduć apadki.
U sieradu, 26 sakavika, u načny čas tempieratura pavietra apyniecca ad 0 da +6 hradusaŭ, dniom budzie da +10 hradusaŭ.
Pavodle papiarednich źviestak, u siaredzinie tydnia prahnazujucca apadki ŭ bolšaści rehijonaŭ. Unačy i ranicaj vierahodny tuman. Viecier budzie mianiać napramak, ale akažacca słabym.
U čaćvier, 27 sakavika, nočču, čakajecca ad +2 da +7 hradusaŭ, dniom — ad +4 da +8 hradusaŭ. U piatnicu, 28 sakavika, u dzionny čas tempieratura pavietra składzie ad +5 da +10 hradusaŭ.
Dźmitryj Rabaŭ raskazaŭ, što ŭ apošnija vychadnyja sakavika zachavajecca vobłačnaje z prajaśnieńniami nadvorje, miescami projduć karotkačasovyja daždžy. Viecier — paŭdniovych napramkaŭ.
U subotu, 29 sakavika, nočču prahnazujecca ad +3 da +7 hradusaŭ. Dniom — ad +7 hradusaŭ pa paŭnočna-zachodniaj častcy i da +16 hradusaŭ pa paŭdniovym uschodzie. U niadzielu, 30 sakavika, čakajecca da +13 hradusaŭ.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary