Alaksandr Łukašenka padpisaŭ rasparadžeńnie ab tym, što naviedvalniki fiestyvalu «Słavianski bazar u Viciebsku», jaki tradycyjna prachodzić u lipieni, zmohuć pryjechać u Biełaruś bieź nieabchodnaści adtrymlivać vizu.
«Dla haściej fiestyvalu z 71 dziaržavy ŭ pieryjad z 4 pa 20 lipienia 2025 hoda ŭstanoŭleny biaźvizavy paradak ujezdu ŭ Biełaruś, časovaha znachodžańnia i vyjezdu z krainy.
Propuskam dla biaźvizavaha pierasiačeńnia dziaržaŭnaj miažy dla zamiežnych hramadzian budzie aryhinalny abo elektronny bilet na mierapryjemstvy fiestyvalu, jakija pravodziacca ŭ Letnim amfiteatry albo kancertnaj zale «Viciebsk».
Pa adnym aryhinalnym abo elektronnym bilecie dapuskajecca adnarazovy ŭjezd u Biełaruś adnaho zamiežnaha hramadzianina nie paźniej za datu praviadzieńnia nazvanaha ŭ bilecie mierapryjemstva», — paviedamiła pres-słužba Łukašenki.
Kamientary