Palitźniavolenaja Viktoryja Kulša abviaściła biesterminovuju haładoŭku
Pra zabastoŭku Viktoryi paviedamiła eks-palitźniavolenaja Palina Šarenda-Panasiuk, jakaja adbyvała termin u Rečyckaj kałonii razam ź Viktoryjaj.
«Viktoryja Kulša z momantu znachodžańnia ŭ SIZA-3 Homiela raspačała biesterminovuju haładoŭku! Heta budzie jaje šostaja haładoŭka ŭ źniavoleńni, hetym razam — da kanca: albo my damožamsia jaje vyzvaleńnia, albo jana zahinie!», — zaznačaje Palina Šarenda-Panasiuk.
«Toje što adbyvajecca ź Viktoryjaj Kulšoj, inšym słovam jak zabojstva nazvać nielha! Suprać Viktoryi akupacyjny režym sfabrykavaŭ užo piatuju kryminalnuju spravu, i ŭžo čaćviorty raz jaje źbirajucca palityčna matyvavana sudzić pa sumna viadomym 411 artykule («niepadparadkavańnie administracyi kałonii»). Heta prosta šalony ździek nad čałaviekam, pomsta chunty niazłomnaj žančynie. Pierad tym jak mianie vyzvalili ŭ lutym 2025 hodu, ja bačyła Viktoryju Kulšu ŭ kałonii №24.
Jana vyhladała jak žyvy niabožčyk: blakłaha koleru skura, mocna schudniełaja, ledźvie išła, u jaje byŭ vializny aciok tvaru. Ja viedała, što na toj momant praz papiarednija haładoŭki i žachlivyja katavańni biaskoncymi ŠIZA ŭ jaje raspačalisia vielmi ciažkija prablemy z sercam, nyrkami, hiniekałohii — ažno da kryvaciokaŭ», — dadała Palina Šarenda-Panasiuk.
Viktoryja Kulša była administratarkaj čata «Kiroŭcy 97%», za što była zatrymanaja 4 listapada 2020 hoda. U vyniku jaje asudzili na 2,5 hoda pazbaŭleńnia voli. U červieni 2022 Viktoryju Kulšu ŭpieršyniu asudzili pa art. 411 (złosnaje niepadparadkavańnie zakonnym patrabavańniam administracyi papraŭčaj ustanovy). Na toj momant u jaje było ŭžo 34 spahnańni.
Čarhovy sud nad žančynaj raspačaŭsia ŭ krasaviku 2023 hoda, dzie joj znoŭ prysudzili jašče adzin hod źniavoleńnia. A ŭ kastryčniku 2023 hoda Viktoryju Kulšu asudzili treci raz i znoŭ dadali 1 hod pa 411 artykule. Da hetaha času žančyna praviała 7 miesiacaŭ u SIZA i pavinna była vyjści na volu 6 krasavika 2025 hoda, ale jaje nie vypuścili, zavioŭšy novuju spravu.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary