U Paryžy asudzili bandu «dziadoŭ-hrabiežnikaŭ», jakija abakrali Kim Kardašjan. Usie jany vyjšli na volu

Napad adbyŭsia ŭ noč na 4 kastryčnika 2016 hoda ŭ Hotel de Pourtales u centry Paryža, dzie spyniłasia amierykanka. Mužčyny pranikli ŭ jaje numar, źviazali Kardašjan i vykrali kaštoŭnaści, siarod jakich byŭ bryljantavy piarścionak, padorany byłym mužam, repieram Kańje Uestam.

Bolšaść vykradzienych kaštoŭnaściaŭ tak i nie byli znojdziena.

Pierad sudom paŭstali dzieviać mužčyn i adna žančyna. Samaje surovaje pakarańnie atrymaŭ vierchavod bandy Aamar Ait Kiedaš, jakomu na momant rabavańnia było 69 hadoŭ — jaho prysudzili da troch hadoŭ źniavoleńnia i piaci ŭmoŭna, adnak z ulikam užo adbytaha terminu jon nie vierniecca ŭ turmu, jak i ŭsie astatnija asudžanyja.

Prysudy akazalisia bolš miakkimi, čym taho patrabavała abvinavačvańnie.

«Ja razumieju, što vy ŭśviedamlajecie, što pryčynili škodu», — zajaviŭ sudździa David De Pa, začytvajučy prysudy.

Pavodle jaho słoŭ, «stan zdaroŭja abvinavačanych nie dazvalaje pazbaŭlać kaho-niebudź ź ich voli». «Było b niespraviadliva adpravić vas u turmu siońnia ŭviečary», — skazaŭ jon.

Aamar Ait Kiedaš pa mianušcy «Stary Amar», jaki amal straciŭ słych i mahčymaść havaryć za čas pracesu, praz advakata paprasiŭ prabačeńnia ŭ apošnim słovie pierad vyniasieńniem prysudu.

«Nie mahu znajści słoŭ. Mnie vielmi škada», — havorycca ŭ jaho zajavie.

Dvaich abvinavačanych, jakich prakuratura nazyvała infarmatarami rabaŭnikoŭ, prysiažnyja ŭ vyniku apraŭdali, nie paličyŭšy dokazy ich viny dastatkova pierakanaŭčymi.

«Heta złačynstva stała samym strašnym vopytam u maim žyćci i akazała vielizarny ŭpłyŭ na mianie i maju siamju», — havorycca ŭ zajavie Kardašjan, jakaja była raspaŭsiudžana paśla vyniasieńnia prysudu.

U piatnicu ranicaj kožny z abvinavačanych vystupiŭ u sudzie z apošnim słovam, paśla čaho prysiažnyja adyšli na naradu, jakaja raściahnułasia bolš čym na 10 hadzin, da hłybokaha viečara.

Čaćviora mužčyn, jakija niepasredna ŭdzielničali ŭ apieracyi, abvinavačvalisia ŭ ździajśnieńni ŭzbrojenaha rabavańnia, za jakoje ŭ Francyi karajuć pazbaŭleńniem voli na termin da 10 hadoŭ — i mienavita stolki prasiŭ bok abvinavačvańnia.

Inšyja abvinavačvalisia tolki ŭ roznych formach saŭdziełu ŭ złačynstvie, adnak i dla ich prakurory prasili ad šaści da vaśmi hadoŭ.

U vyniku, niahledziačy na toje što ŭsie padsudnyja byli vyzvalenyja ŭ zale suda, bolšaści ź ich usio ž byli farmalna vyniesienyja realnyja terminy.

Aamar Ait Kiedaš byŭ pryznany arhanizataram złačynstva i prysudžany da vaśmi hadoŭ pazbaŭleńnia voli (ź ich piać umoŭna) i vypłacie štrafu 5 tysiač jeŭra.

Za čas, pakul doŭžyŭsia sud, hałoŭny abvinavačany amal straciŭ słych i mahčymaść havaryć. Jaho hałoŭny saŭdzielnik Junis Abas, jaki pryznaŭ svaju vinu (u hateli, kali rabaŭniki padnialisia ŭ numar Kardašjan, jon zastaŭsia vartavać u chole), atrymaŭ na hod mienš — siem hadoŭ (piać ź jakich taksama ŭmoŭna).

U 2021 hodzie, kali ŭžo išło sudovaje raźbiralnictva, Abas pasprabavaŭ zarabić na złačynstvie, apublikavaŭ knihu «Ja vykraŭ Kim Kardašjan», u jakoj raspavioŭ pra napad sa svajho punktu hledžańnia.

Dakładna taki ž termin-siem hadoŭ, ź ni piać umoŭna — sud pryznačyŭ i jašče dvum abvinavačanym.

Pieršy — piensijanier Dzidbe Dziubre, jaki z samaha pačatku całkam admaŭlaŭ svaju vinu (abvinavačvańnie śćviardžała, što mienavita jon źviazvaŭ telezorku) i jakoha žurnalisty prazvali «błakitnyja vočy».

Druhi— Mark-Alaksandr Baje, samy juny z padsudnych (na momant rabavańnia jamu było 25 hadoŭ), taksama zajaŭlaŭ ab svajoj nievinavataści. U hateli jon razam ź Junisam Abasam zastaŭsia dziažuryć u chole.

Syn Kiedaša, jaki syhraŭ u toj dzień dla baćki i jaho kampańjonaŭ rolu kiroŭcy, atrymaŭ piać hadoŭ turmy (ź ich čatyry ŭmoŭna). Z samaha pačatku pracesu jon zapeŭnivaŭ, što navat nie padazravaŭ, što biare ŭdzieł u złačynstvie, ale pierakanać u hetym prysiažnych jamu nie ŭdałosia.

Adzinaja žančyna na łavie padsudnych — 80-hadovaja Kryścijana Hłoten, jakaja zabiaśpiečvała vykanaŭcam rabavańnia suviaź adzin z adnym — atrymała čatyrochhadovy ŭmoŭny termin.

Fransua Dełaport, jaki vyrabiŭ dla rabaŭnikoŭ padroblenyja dakumienty, atrymaŭ try hady ŭmoŭna. A Mark Baje (baćka inšaha abvinavačanaha, Marka-Alaksandra), jakoha abvinavačvali tolki ŭ niezakonnym zachoŭvańni zbroi, prysudžany da štrafu ŭ pamiery 5 tysiač jeŭra.

• 0
• 0
• 0
• 1
• 0
• 0
• 0
• 0