Palicyja Livierpula nazvała imia aryštavanaha ŭ suviazi z najezdam na natoŭp zaŭziataraŭ, u jakim paciarpieli 79 čałaviek
Abvinavačvańnie vystaŭlena pa siami punktach.
Palicyja Livierpula ŭ čaćvier vystaviła abvinavačańnie čałavieku, aryštavanamu ŭ paniadziełak paśla najezdu aŭtamabila na natoŭp zaŭziataraŭ, u vyniku jakoha traŭmy atrymali 79 čałaviek, piša Bi-bi-si.
Palicyja zajaviła, što paśla najezdu aŭtamabila na ludziej, jakija śviatkavali pieramohu kłuba «Livierpul» u futbolnaj Premjer-lizie, byŭ aryštavany 53-hadovy miascovy žychar Poł Dojł, biznesoviec, były marski piechaciniec i baćka traich dziaciej.
Praviły aśviatleńnia kryminalnych spraŭ nie dazvalajuć kazać, što Dojł byŭ za rulom taho aŭtamabila, pakul heta nie paćvierdžana sudom.
Ab mierkavanych matyvach padazravanaha palicyja i prakuratura pakul ničoha nie skazali, ale abvinavačańnie jamu pradjaŭlena pa niekalkich artykułach ab śpiecyjalnym pryčynieńni cialesnych paškodžańniaŭ roznaj stupieni ciažkaści. Poł Dojł upieršyniu paŭstanie pierad sudom u piatnicu: Mahistracki sud Livierpula vyrašyć, pakidać jaho pad vartaj.
Pamočnica hałoŭnaha kanstebla palicyi Miersisajda (rehijon Livierpula) Dženi Sims skazała na pres-kanfierencyi ŭ čaćvier, što ŭ balnicy da hetaha času znachodziacca siem čałaviek z amal 80 paciarpiełych u paniadziełak uviečary na Uoter-stryt u centry Livierpula.
Pavodle słoŭ Dženi Sims, śledčyja vyvučajuć vielizarny abjom videazapisaŭ zdareńnia z kamier nazirańnia i mabilnych telefonaŭ, a taksama pakazańni śviedkaŭ.
Sara Chemand, hałoŭny prakuror Karaleŭskaj prakuratury ŭ rehijonie Miersi-Češyr, skazała na pres-kanfierencyi, što ŭ chodzie śledstva artykuły, pa jakich vystaŭlena abvinavačańnie, mohuć źmianicca. Abvinavačańni Dojłu pradjaŭleny pa siami punktach, šeść ź jakich datyčacca ŭmiaščanaha pryčynieńnia cialesnych paškodžańniaŭ i sprob pryčynić cialesnyja paškodžańni, a jašče adzin — «niebiaśpiečnaje kiravańnie».
Pamočnica hałoŭnaha kanstebla Sims skazała, što razumieje, što ŭ hramadskaści jašče šmat pytańniaŭ adnosna hetaha zdareńnia, i jaje padnačalenyja pracujuć nie škadujučy sił, kab ź ciaham času dać na ich adkazy.
Kamientary