Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi
Siońnia ŭ sacsietkach raspaŭsiudziłasia navina pra toje, što ŭ dvary BNTU pry sprobie zatrymańnia pamior vykładčyk. Va ŭniviersitecie paviedamili pra sardečny prystup u jaho. Ciapier z tłumačeńniami vystupiła milicyja. Ź nieaficyjnaha kanała siłavikoŭ stanovicca zrazumiełym imia vykładčyka — heta Michaił Ščukin.
Jak paviedamiła milicyja ŭ aficyjnym kamientary, dniom 28 maja ŭ milicyju pastupiŭ zvanok z BNTU z prośbaj ab dapamozie. «Były vykładčyk pasvaryŭsia z administracyjaj i sprabavaŭ niezakonna prajści na terytoryju navučalnaj ustanovy», — havorycca ŭ tłumačeńni.
Supracoŭniki milicyi vyrašyli advieźci 47-hadovaha minčuka ŭ adździaleńnie dla raźbiralnictva.
«Adnak mužčyna akazaŭ supraciŭ i pasprabavaŭ uciačy. Padčas zatrymańnia jon nanios niekalki ŭdaraŭ adnamu z supracoŭnikaŭ»,
— raspavioŭ namieśnik načalnika ŭpraŭleńnia pa Minsku hałoŭnaha ŭpraŭleńnia ŭłasnaj biaśpieki MUS Raman Pryhodzič.
Pra pryčyny śmierci vykładčyka Pryhodzič nie skazaŭ ni słova.
Ale čamuści nahadaŭ, što «nievykanańnie zakonnych patrabavańniaŭ supracoŭnika orhanaŭ unutranych spraŭ ciahnie za saboj praduhledžanuju zakonam adkaznaść».
Bolš infarmacyi daŭ nieaficyjny kanał siłavikoŭ.
«47-hadovy vykładčyk byŭ aficyjna zvolnieny pa zakančeńni terminu kantraktu, pakolki ŭ apošni čas pavodziŭ siabie nieadekvatna ŭ dačynieńni da studentaŭ i rabotnikaŭ, čaplaŭsia da maładzieńkich studentak, zanižaŭ acenki, skandaliŭ, biez pryčyny nie dapuskaŭ chłopcaŭ i dziaŭčat da ekzamienaŭ…
Mužyk sa zvalnieńniem nie pahadziŭsia i na praciahu tydnia sprabavaŭ niezakonna prarvacca ŭ navučalnuju ŭstanovu, patrabujučy dać mahčymaść praciahnuć pravodzić zaniatki. Kali jon kančatkova ŭsich dastaŭ, supracoŭniki słužby achovy VNU vyklikali milicyju, kab sucišyć skandalista», — pišuć siłaviki.
Pavodle ich viersii, vykładčyk «nieadnarazova ŭdaryŭ milicyjanta, paśla čaho pačaŭ uciakać». Na hetym i tut historyja abryvajecca. Što zdaryłasia paśla hetaha i čamu vykładčyk pamior, nie raskazvajuć.
Kanał siłavikoŭ taksama apublikavaŭ skryny z zalacańniami vykładčyka da studentak. Na skrynach — fota vykładčyka Michaiła Ščukina. Jaho staronka z sajta BNTU ŭžo vydalenaja.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary