Vynieśli prysud vietdoktaru, jaki vypadkova na fiermie najechaŭ na kalehu i razdušyŭ jaje
Sud Hrodzienskaha rajona razhledzieŭ kryminalnuju spravu ŭ dačynieńni da 29-hadovaha vieterynarnaha doktara, abvinavačanaha ŭ parušeńni praviłaŭ darožnaha ruchu i ekspłuatacyi transpartnych srodkaŭ, što pa nieaściarožnaści paciahnuła śmierć čałavieka, piša newgrodno.by.
26 lutaha na terytoryi małočna-tavarnaj fiermy ŭ Kamiennaj Rusocie adbyŭsia niaščasny vypadak sa śmiarotnym vynikam. Vieterynarny doktar sieŭ za rul «Amkador 332S-01», nie majučy prava kiravańnia i nie prajšoŭšy śpiecyjalnaj padrychtoŭki. Ruchajučysia z padniatym koŭšam, jon najechaŭ na bryhadzirku fiermy, jakaja pamierła na miescy ad atrymanych traŭmaŭ.
Abvinavačvany poŭnaściu pryznaŭ vinu. Sud uličyŭ jaho ščyraje raskajańnie, najaŭnaść małaletniaha dziciaci, stanoŭčuju charaktarystyku i toje, što vieterynar prystupiŭ da kiravańnia technikaj pa ŭkazańni zahinułaj.
U vyniku jamu pryznačana 4 hady chatniaj chimii z pazbaŭleńniem prava kiravać transpartnymi srodkami na 5 hadoŭ. Za košt amnistyi termin skaraciŭsia na hod.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary