Kaleha, jakuju piaščotna abdymaŭ hiendyrektar IT-kampanii Astronomer na kancercie Coldplay, zamužam za inšym hiendyrektaram
Nie tolki ŭ kiraŭnika kampanii była siamja.
Jak my pisali raniej, 16 lipienia na kancercie hurta Coldplay u ZŠA kamiera vypadkova źniała kiraŭnika IT-kampanii Astronomer Endzi Bajrana i dyrektarku adździeła kadraŭ Kryścin Kabat, jakija stajali abniaŭšysia. Videa pakazali na vialikich ekranach stadyjona padčas pieśni jak častku tradycyjnaha momantu kiss cam (kamiery dla pacałunkaŭ).
Paśla taho, jak hetaja historyja nabyła hramadski rezanans, Endzi Bajran zvolniŭsia, a jaho žonka Miehan spačatku prybrała proźvišča «Bajran» sa svajho profilu, a praź niekatory čas uvohule vydaliła akaŭnt.
Žurnalisty taksama vyśvietlili, što Kryścin Kabot, jakuju abdymaŭ načalnik, taksama maje siamju.
Jak piša Daily Mail, 52-hadovaja dyrektarka adździeła kadraŭ IT-kampanii Astronomer ciapier zamužam za hienieralnym dyrektaram inšaj kampanii. Vydańnie publikuje fota, dzie jana razam sa svaim mužam Endru Kabotam, jaki ŭznačalvaje kampaniju pa vytvorčaści śpirtnych napojaŭ Privateer Rum, što znachodzicca ŭ Masačusetsie (ZŠA).
Adpaviedna infarmacyi z profilu Kryścin na LinkedIn, jaki jana ŭžo vydaliła, jana była členam kansultatyŭnaj rady Privateer Rum ź vieraśnia 2020 hoda.
Hety šlub nie pieršy dla Kryścin i Endru. Kabot byŭ žanaty jak minimum dvojčy — u 1993 i 2014 hadach, i maje dvuch dziaciej ad svajoj pieršaj žonki — Maŭd. Žančyna ŭ krasaviku minułaha hoda vykłała fota svajho byłoha muža razam z Kryścin, jakija prysutničali na viečaryncy z nahody 25-hodździa dački.
Na zdymkach žurnalisty zaŭvažyli, što Kryścin maje zaručalny piarścionak na biezymiennym palcy levaj ruki, jaki adsutničaŭ padčas kancerta Coldplay.
Kryścin (jaje dziavočaje proźvišča — Stanek) padała na razvod z Kenam Tornbi ŭ 2018 hodzie, i razvod byŭ zavieršany ŭ 2020-m.
Ni Kryścin, ni Bajran, jak paviedamlaje vydańnie, pakul nie adkazali na prośbu prakamientavać situacyju.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary