U Breście i Biełaaziorsku skardziacca na škodnyja pachi i mahčymyja vykidy z pradpryjemstvaŭ
U Breście žychary skardziacca na rezki pach u pavietry i paharšeńnie samaadčuvańnia. Paviedamlajuć pra młosnaść, paleńnie ŭ vačach. Prablema tyčycca rajonaŭ, raźmieščanych pobač z pramysłovaj zonaj: Dubroŭka, Rečyca, Kazłovičy i Klejniki, piša BG.Media.
Ludzi miarkujuć, što niepryjemnyja pachi iduć z cecha pa vytvorčaści efiru kanifoli kampanii STiM, jaki pracuje z 2018 hoda, kali ŭ pramysłovaj zonie Bresta było vyrašana pabudavać abjekt pa vytvorčaści ćviordych smołaŭ na asnovie sasnovaj žyvicy.
Ułady zaklikajuć nie panikavać i śćviardžajuć, što ŭ MNS nibyta nie pastupała aficyjnych zvarotaŭ. Ale žychary śćviardžajuć advarotnaje — skarhi jość, ale prablema ihnarujecca.
Cikava, što padobnyja prablemy ŭźnikali i raniej, jašče z momantu zapusku pradpryjemstva: ludzi krytykavali prajekt za skaračeńnie sanitarnaj zony, adsutnaść naležnaha analizu ryzyk i škody dla navakolla.
U Biełaaziorsku — anałahičnaja situacyja. Miascovyja žychary padazrajuć, što vykidy iduć ź Biarozaŭskaj DRES, jakaja pracuje na pryrodnym hazie.
Pradpryjemstva śćviardžaje, što ŭsie pakazčyki ŭ miežach normy i kantrol za vykidami viadziecca pastajanna. Adnak ludzi skardziacca na pachi i drennaje samaadčuvańnie.
Aficyjna ŭłady pryznajuć, što zvaroty ad ludziej jość. Ale krynicy zabrudžvańnia dakładna nie vyznačajucca, a mieraŭ nie prymajuć. Heta vyklikaje abureńnie: ludzi adčuvajuć škodu, a adkazu — niama.
«Kamunarka» i «Spartak» pačnuć rabić cukierki ź vieniesuelskich kakava-baboŭ
U Lachavičach patłumačyli, chto vinavaty, što chleb ź miascovaha chlebazavoda vyjšaŭ jak klej
U vyniku pažaru na «Kieraminie» abjom vytvorčaści zaŭvažna ŭpadzie. A ŭzharańnie mahło być uskosnym nastupstvam sankcyj
Novy celułozna-kardonny kambinat buduć budavać u Dubrovienskim rajonie
Ciapier čytajuć
Čaho čakaje Polšča ad Minska i ci zakryje znoŭ miažu na hetym tydni?32
Kamientary