U Bresckim rajonie mužčyna źniaŭ na videa niezvyčajnuju ciomnuju plamu pasiarod zialonaj palany, ad jakoj idzie dym.
«Jak byccam varonka ad snarada. Niejak dziŭna. Dymok idzie. Padobna da taho, što torf haryć. Mabyć, małanka ŭdaryła — pobač dakładna ŭdaryła ŭ dreva», — razvažaje mužčyna.
Što rabić, kali bačyš pierad saboj niešta padobnaje? Pres-sakratar MNS Jaŭhien Baranoŭski patłumačyŭ «Anłajnieru», što nieabchodna patelefanavać u MNS i pieradać detalovuju infarmacyju ab łakacyi. A taksama nie nabližacca da miesca hareńnia tarfianikaŭ.
«Pažary na tarfianikach — asablivy vypadak. Čaściej za ŭsio jany ŭźnikajuć z-za nieaściarožnaha abychodžańnia z ahniom, parušeńnia pravił pažarnaj biaśpieki. Akramia taho, jany mohuć uźnikać u vyniku naturalnych źjaŭ pryrody (navalničnych razradaŭ, ziemlatrusaŭ, samazaharańnie torfu).
Spravicca z takimi ŭzharańniami davoli składana. Ruchajucca jany pavolna, pa niekalki mietraŭ u sutki. Ich praktyčna nielha patušyć.
Asablivuju niebiaśpieku ŭjaŭlajuć niečakanyja praryvy ahniu z padziemnaha ačaha i toje, što kraj jaho nie zaŭsiody prykmietny.
Torf praharaje na ŭsiu hłybiniu zalahańnia, jakaja moža dasiahać 6-8 i bolš mietraŭ, dzie doŭhi čas paśla vyharańnia zachoŭvajecca vysokaja tempieratura. Vierahodna, možna trapić u spaleny torf. Prykmietaj padziemnaha pažaru źjaŭlajecca charakterny pach haru, miescami z hleby praciakaje dym, sama ziamla haračaja».
Kali bačycie tarfianik, jaki haryć, lepš abyści jaho bokam, ruchajučysia suprać vietru tak, kab jon nie dahaniaŭ vas z ahniom i dymam.
«Pry hetym treba ŭvažliva ahladać pierad saboj darohu, abmacvać jaje pałkaj. Pry mocnym zadymleńni, kali ŭ vas jość takaja mahčymaść, prykryjcie rot i nos mokraj anučaj», — rajać u MNS.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary
Spravicca z takimi ŭzharańniami davoli składana. Ruchajucca jany pavolna, pa niekalki mietraŭ u sutki.
❗Ich praktyčna nielha patušyć.❗
Asablivuju niebiaśpieku ŭjaŭlajuć niečakanyja praryvy ahniu z padziemnaha ačaha i toje, što kraj jaho nie zaŭsiody prykmietny.
----
Ahoń prarviecca tam, dzie mieńš za ŭsio čakajuć. Patušyć niemahčyma.
Žyvie Biełaruś i budzie žyć viečna!