Avijakampanija Flydubai časova spyniła paloty ŭ Minsk da 17 červienia z-za vajennych dziejańniaŭ pamiž Iranam i Izrailem. Tyja, chto nabyŭ bilety na admienienyja rejsy, mohuć viarnuć ich abo abmianiać, paviedamiła kampanija.
Zrabić heta možna praz turystyčnyja ahienctvy abo ŭ ofisie kampanii ŭ Minsku (Starovilenski trakt, 10, pamiaškańnie 1N). Ofis pracuje ŭ budnyja dni z 9:00 da 17:00.
Pakul što viadoma, što rejsy admienienyja tolki na 16 i 17 červienia, pra 18 červienia dakładnaj infarmacyi jašče niama.
Paloty ŭ Dubaj byli spynienyja z 13 červienia, kali z-za napružanaści na Blizkim Uschodzie była zakrytaja pavietranaja prastora Irana. Adzin z rejsaŭ, jaki vylataŭ u noč z 12 na 13 červienia, nie dabraŭsia da AAE i zrabiŭ vymušanuju pasadku ŭ Baku, dzie pasažyraŭ raźmiaścili ŭ hatelach.
Tym časam biełaruskaja avijakampanija «Biełavija» praciahvaje latać u Dubaj, źmianiŭšy maršrut u abychod niebiaśpiečnych zon.
«My baimsia zastacca na vulicy». Biełaruska ź dziciem nie moža vylecieć z Dubaja paśla admieny rejsa Fly Dubai
Dubajskaja avijakampanija na tle abvastreńnia situacyi pamiž Izrailem i Iranam skasavała rejsy ŭ Minsk
«Biełavija» pamianiała maršrut rejsa ŭ Dubaj: samaloty buduć pryziamlacca ŭ Taškiencie
Rejsy ź Minska ŭ Dubaj časova admianiajucca z-za abvastreńnia situacyi na Blizkim Uschodzie
Samalot ź Minska ŭ Dubaj ekstranna sieŭ u Baku
Šrajbman z kalehami prapanavali pakrokavy płan deeskałacyi adnosin Biełarusi i ES53
Kamientary