Tramp pra ideju Maska stvaryć treciuju partyju ŭ ZŠA: Całkam «źlacieŭ z katušak»
Na dumku Trampa, za apošnija piać tydniaŭ Mask pieratvaryŭsia ŭ «čyhunačnuju katastrofu».
Prezident ZŠA Donald Tramp raskrytykavaŭ ideju amierykanskaha miljardera Iłana Maska i zajaviŭ, što toj «źlacieŭ z katušak». Pra heta jon zajaviŭ u svajoj sacsietcy Truth i dla ŚMI ŭ Ńju-Džersi pierad pasadkaj u prezidencki samalot da Vašynhtona.
«Mnie sumna nazirać, jak Iłan Mask całkam źlacieŭ z katušak («off the rails»)».
Taksama, na dumku Trampa, za apošnija piać tydniaŭ Mask pieratvaryŭsia ŭ «čyhunkavuju katastrofu».
«Jon navat choča stvaryć treciuju palityčnuju partyju, niahledziačy na toje, što takija partyi nikoli nie dasiahali pośpiechu ŭ ZŠA — sistema, padajecca, nie pryznačana dla ich. Adzinaja reč, dla jakoj trecija partyi prydatnyja, — heta stvareńnie poŭnaha i tatalnaha chaosu…» — skazaŭ prezident ZŠA.
Tramp zajaviŭ, što stvarać treciuju partyju — «heta biessensoŭna».
«U nas vielizarny pośpiech z Respublikanskaj partyjaj. Demakraty zhubili svoj šlach, ale heta zaŭsiody była dvuchpartyjnaja sistema, i ja dumaju, što stvareńnie treciaj partyi tolki dadaść błytaniny», — ličyć jon.
«Jon [Mask] moža zabaŭlacca z hetym, ale ja liču heta biessensoŭnym», — dadaŭ Tramp.
-
U Bierlinie aktyvisty ŭskaraskalisia na Brandenburhskuju bramu i razharnuli banier u padtrymku Paleściny
-
Kiraŭnik MUS Litvy: Chutka adbudziecca sustreča litoŭskaha i biełaruskaha bakoŭ nakont kantrabandy
-
Zialenski raskazaŭ, jak paloty nieviadomych dronaŭ u krainach ES adbivajucca na vajnie va Ukrainie
Kamientary