Premjer Litvy raskrytykavaŭ rašeńnie Polščy ŭvieści pamiežny kantrol
Premjer Litvy Hintaŭtas Pałuckas krytyčna adhuknuŭsia pra rašeńnie Polščy adnabakova ŭvieści ŭzmocnieny kantrol na miažy ź Litvoj. Na jaho dumku, heta rašeńnie stvaraje niazručnaści dla padarožnikaŭ u miežach Jeŭropy i supiarečyć duchu Šenhienskaj zony, jakaja źjaŭlajecca adnoj z hałoŭnych kaštoŭnaściaŭ ES, piša Delfi.lt.
Pavodle słoŭ Hintaŭtasa Pałuckasa, Polšča pryniała hetaje rašeńnie ŭ suviazi z prablemaj druhasnaj mihracyi, u tym liku z-za napružanaści ŭ adnosinach z Hiermanijaj nakont viartańnia nielehalnych mihrantaŭ. Jon ličyć, što palityčnyja pryčyny hetaha rašeńnia važnyja, ale jano nie pavinna być doŭhaterminovym.
Pałuckas taksama adznačyŭ, što Litva nie budzie prymać lustranyja miery i nie stanie «adłoŭlivać» palakaŭ na svajoj terytoryi. Zamiest hetaha jana ŭzmocnić nahlad za mihracyjaj na miažy z Łatvijaj, pakolki praź nie da kanca zavieršany fizičny barjer u Łatvii mihranty adtul mohuć traplać u Litvu i dalej u Polšču i Hiermaniju.
Z 7 lipienia a 1-j hadzinie nočy Polšča ŭviała kantrol na 13 pamiežnych punktach ź Litvoj, a taksama ŭzmacniła nahlad na tak zvanaj «zialonaj miažy» — palach, lasach i vadajomach. Hramadzianam, jakija ŭjazdžajuć u Polšču, nahadvajuć pra nieabchodnaść mieć pry sabie pašpart abo inšy dakumient, jaki śviedčyć asobu.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary
Ci SACYJAŁ-DEMAKRAT nie razumieje, što takoje hibrydnyja ataki z boku Rasii praź Biełaruś? Bo navat polski libierał Tusk zrazumieŭ, što treba ŭvodzić kantrol, praŭda, paśla nacisku "krajniepravaha" hramadstva", ale ŭsio ž taki.