Izrail u sieradu atakavaŭ dronam uvachod u budynak siryjskaha Hienštaba ŭ Damasku na fonie abvastreńnia situacyi ŭ krainie.
Izrailskaja armija zajaŭlaje, što atakuje ŭradavyja vojski dziela abarony druzskaj mienšaści ŭ Siryi. U sutyknieńniach druzaŭ i bieduinaŭ i nastupnaj atacy siryjskich vajskoŭcaŭ užo zahinuli bolš za 200 čałaviek, paviedamlaje Rasijskaja słužba Radyjo Svaboda.
Napiaredadni siryjskija vajskoŭcy ŭvajšli ŭ horad Es-Suvajda na poŭdni krainy, dzie adbylisia sutyknieńni pamiž druzami i bieduinami. U vyniku sutyknieńniaŭ, pavodle danych siryjskaha ministerstva ŭnutranych spraŭ, zahinuli bolš za 30 čałaviek i kala 100 atrymali ranieńni.
Paśla ŭvodu vojskaŭ kolkaść zahinułych pavialičyłasia da 248, pieradaje Siryjskaja absiervatoryja pa pravach čałavieka. Adzin ź lidaraŭ druskaha mienšaści šejch Chikmat al-Chadžry abvinavaciŭ urad Siryi ŭ parušeńni pieramirja i bambardziroŭcy horada. Siryjskija vajskoŭcy zajaŭlajuć, što adkryvajuć tolki ahoń u adkaz.
Armija abarony Izraila ŭ aŭtorak naniesła ŭdary pa siryjskich vajskoŭcach u rajonie Es-Suvajdy. U zajavie vajskoŭcaŭ havaryłasia, što Izrail «prychilny spravie praduchileńnia pryčynieńnia škody druzam» u Siryi z-za «hłybokaha braterskaha sajuzu z našymi druzskimi suhramadzianami ŭ Izraili».
U sieradu izrailskija vajskoŭcy zadziejničany ŭ sutyknieńniach na miažy anieksavanych Izrailem Hałanskich vyšyń i Siryi. Paviedamlajecca, što dziasiatki druzaŭ sprabujuć prarvacca na kantralavanuju Izrailem terytoryju, adnačasova sotni druzaŭ, što žyvuć na Hałanach, sprabujuć trapić u zvarotnym kirunku, pratestujučy suprać dziejańniaŭ siryjskich uładaŭ.
Izrailskija vajskoŭcy vykarystali ślezaciečny haz, kab adcieśnić druzaŭ, što žyvuć na terytoryi aneksavanaha rehijona, kab tyja nie prarvalisia ŭ Siryju.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary