U Ciumienskaj vobłaści «hieroj SVA» zabiŭ svaju žonku ŭ dzień viasiella
U rasijskaj Ciumienskaj vobłaści mužčyna, jaki vajavaŭ va Ukrainie, zabiŭ svaju žonku. Jak paviedamiła jahonaja siastra, trahiedyja adbyłasia 4 sakavika — u dzień, kali para raśpisałasia, piša The Moscow Times.
Sud u Jekaciarynburhu asudziŭ Alaksieja Marčukova da 12,5 hoda kałonii strohaha režymu za toje, što jon zarezaŭ Marynu — svaju tolki što zarehistravanuju žonku. Paśla śviatkavańnia doma ŭ svajakoŭ padčas svarki z-za reŭnaści Marčukoŭ udaryŭ žančynu nažom u serca.
Syn Maryny paviedamiŭ, što da hetaha pamiž imi ŭžo byli kanflikty: mužčyna i raniej padnimaŭ na jaje ruku, ale jana jamu daravała. Akazałasia, što Marčukoŭ užo mieŭ sudzimaści i pajšoŭ na vajnu, kab paźbiehnuć źniavoleńnia — jamu prapanavali vybar: albo turma, albo ŭdzieł u bajavych dziejańniach.
Heta nie pieršy padobny vypadak u rehijonie: u kastryčniku 2024 hoda inšy vajskoviec, jaki viarnuŭsia z frontu, zabiŭ žonku na svoj dzień naradžeńnia. A pa ŭsioj Rasii, pavodle danych ŚMI, za try hady vajny bolš za 750 čałaviek paciarpieli ad hvałtu z boku ŭdzielnikaŭ vajennych dziejańniaŭ — kala 400 zahinuli, astatnija atrymali ciažkija traŭmy. Čaściej za ŭsio heta adbyvajecca ŭ stanie ałkaholnaha apjanieńnia i ŭ siamiejnym kole.
U rasijskaj Dziarždumie ŭžo prapanoŭvali ŭvieści kantrol za byłymi źniavolenymi, jakija viartajucca z frontu, ale častka deputataŭ vystupiła suprać, śćviardžajučy, što «hieroi SVA» ŭžo «adkupili vinu kryvioj». Hetaj viasnoj znoŭ padymałasia pytańnie pra ŭziadzieńnie nahladu za prablemnymi asobami i skasavańnie mahčymaści paźbiehnuć turmy praz udzieł u vajnie.
Były ŭdzielnik vajny z Ukrainaj zhvałciŭ i zabiŭ siamikłaśnicu ŭ Ćviarskoj vobłaści
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
«Strašniej, što svoj zabje, a nie dron varožy». Jak žyvuć u vioscy Kurskaj vobłaści, dzie rasijski sałdat rasstralaŭ šmatdzietnuju maci
U Rasii z turmy adpuścili chłopca, jaki zabiŭ cełuju siamju ź dziciom-invalidam: jon pajechaŭ z kałonii na vajnu
U Krasnadary mužčyna zarezaŭ susiedziaŭ i spaliŭ ich dom. Ale z zały suda jaho adrazu adpuścili na vajnu
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary