BDU padvioŭ vyniki ŭstupnaj kampanii. Stali viadomyja samyja papularnyja śpiecyjalnaści
Biełaruskija ŭniviersitety padviali vyniki pryjomnaj kampanii 2025 hoda. BiełTA sabrała infarmacyju ź niekalkich najbujniejšych VNU, u tym liku ź Biełaruskaha dziaržaŭnaha ŭniviersiteta.
U BDU na dzionnuju biudžetnuju formu navučańnia pryniali 2607 čałaviek, ź jakich 69 pastupili na vajskovy fakultet. Bolš za 95% hetych studentaŭ atrymali pa vynikach centralizavanaha teściravańnia (CT) i ŭstupnych ekzamienaŭ (CE) 300 i bolš bałaŭ. Siarod pieršakurśnikaŭ — 110 pieramožcaŭ mižnarodnych i respublikanskich alimpijad i łaŭreataŭ śpiecyjalnych fondaŭ.
Biez zdačy ekzamienaŭ na piedahahičnyja śpiecyjalnaści pastupili 79 abituryjentaŭ. Amal 922 čałavieki skončyli škołu ź miedalom abo siarednija śpiecyjalnyja navučalnyja ŭstanovy z dypłomam z adznakaj. Kala 44,6% usich pryniatych — heta vypuskniki licejaŭ i himnazij (1164 čałavieki).
Siarod tvorčych śpiecyjalnaściaŭ najbolšy konkurs byŭ na «hrafičny dyzajn i multymiedyjny dyzajn» — amal 15 čałaviek na adno miesca.
Siarod pryrodaznaŭčych śpiecyjalnaściaŭ najvyšejšyja prachadnyja bały byli na «prykładnuju infarmatyku» (391), «infarmatyku» (387), «kibierbiaśpieku» (378) i «prykładnuju matematyku» (371).
Siarod sacyjalna-ekanamičnych i humanitarnych śpiecyjalnaściaŭ samymi prestyžnymi akazalisia «suśvietnaja ekanomika» i «mižnarodnaje prava» — pa 398 bałaŭ, a taksama «mižnarodnaja ekanomika i handal» z pahłyblenym vyvučeńniem kitajskaj movy — 397 bałaŭ.
Na zavočnuju biudžetnuju formu navučańnia pryniali 112 čałaviek. Pa śpiecyjalnaściach sa skaročanym terminam navučańnia prachadnyja bały byli nižejšyja — naprykład, «pravaznaŭstva» — 204 bały, «miedycynska-bijałahičnaja sprava» — 193, «kiravańnie dakumientami» — 191. Pa śpiecyjalnaściach bijałahičnaha fakulteta na zavočnuju biudžetnuju formu prachadnyja bały składali ad 224 da 229 bałaŭ.
Što tyčycca dzionnaj płatnaj formy navučańnia ŭ BDU, to tudy byŭ zaličany 1401 čałaviek, ź ich 10 — na skaročany termin navučańnia. Siaredni konkurs na miesca składaŭ kala 2 čałaviek.
Samyja vysokija bały na płatnaj formie byli pa śpiecyjalnaściach: «mižnarodnaja ekanomika i handal» (371), «prykładnaja infarmatyka» (359), «infarmatyka» (358), «prykładnaja matematyka» (358) i «mižnarodnyja adnosiny» (358).
Minadukacyi Polščy ŭskładniła pastupleńnie va ŭniviersitety mnohim zamiežnikam
U Minadukacyi zajavili pra rekordny nabor na piedahahičnyja śpiecyjalnaści
Samy vysoki konkurs u BDU skłaŭ 15 čałaviek na miesca
Škoła ekanomiki i biznesu EHU: što jana saboj ujaŭlaje i čym adroźnivajecca ad BDEU
Stała viadoma, u jakija VNU sioleta jość niedabor
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»9
Kamientary