Kamientaryj MUS padziejničaŭ: u Varšavie ZAHS znoŭ prymaje dakumienty časoŭ BSSR biez apastylu
Užo na nastupny dzień paśla zaŭvahi z boku MUS Polščy ZAHSy viarnulisia da raniejšaj praktyki, piša Most.
U Varšavie ŭ biełarusaŭ znoŭ prymajuć dla rehistracyi ŭ ZAHSie dakumienty časoŭ BSSR biez apastylu.
Biełarusy adnieśli dla rehistracyi (umiejscowienie) u ZAHS paśviedčańni ab naradžeńni, vydadzienyja paŭtorna. Pieršapačatkova heta byli jašče dakumienty časoŭ BSSR, ale ich uładalniki atrymali paŭtornyja paśviedčańni ŭžo ŭ suvierennaj Biełarusi. Apastylu na ich nie było.
Supracoŭniki ZAHSa dakumienty pryniali. Jany patłumačyli, što pryniali b i ŭłasna staryja zialonyja knižački savieckaha ŭzoru. Apastyl buduć patrabavać tolki ŭ tym vypadku, kali supracoŭniku dakumient padasca padazronym.
Nahadajem, što na hetym tydni biełarusy stali masava skardzicca na toje, što ŭ polskich ZAHSach dla rehistracyi bolš nie prymajuć dakumienty časoŭ SSSR i BSSR, a taksama novyja dakumienty biez apastylu. Čynoŭniki spasyłalisia na rasparadžeńnie ad MUS.
Potym vyśvietliłasia, što MUS nijakich novych rasparadžeńniaŭ nie vydavała. Ministerstva spuściła ŭ ZAHSy zvyčajnuju instrukcyju z tłumačeńniami, jakaja nie maje abaviazkovaj siły. A kiraŭniki ZAHSaŭ usio, maŭlaŭ, niapravilna zrazumieli. U MUS zajavili, što dla biełarusaŭ ničoha nie źmianiajecca, i apastyl pa ahulnym pravile nie patrebny.
MUS Polščy: Apastyl na dakumientach dla biełarusaŭ nie patrebny ŭ lubym vypadku. ZAHSy ŭsio niapravilna zrazumieli
Biełarusy ŭ panicy šturmujuć polskija dziaržaŭnyja słužby — tam bolš nie prymajuć dakumienty na savieckich błankach
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva13
Kamientary