Adnym z bazavych scenaryjaŭ zaviaršeńnia vajny va Ukrainie moža stać zamarožvańnie kanfliktu ŭzdoŭž ciapierašniaj linii frontu. Pra heta zajaviŭ daradca kiraŭnika Ofisa prezidenta Ukrainy Michaił Padalak u intervju italjanskaj haziecie La Repubblica.
«Papiaredniaja pazicyja Ukrainy takaja: my razumiejem, što adzin z bazavych scenaryjaŭ vychadu z hetaj vajny — heta zamarožvańnie kanfliktu ŭzdoŭž linii frontu. Heta terytoryi, jakija siońnia de-fakta akupavanyja Rasiejaj. Jany takimi i zastanucca. A dalej budzie vialikaja praca ekanamičnymi, dypłamatyčnymi i inšymi instrumientami, kab viarnuć hetyja terytoryi va Ukrainu. Ale de-jure jany buduć zastavacca ŭkrainskimi», — skazaŭ Padalak.
Jon padkreśliŭ, što pytańnie pieradačy terytoryj Rasii całkam vyklučanaje.
«Ja nie vielmi razumieju, jak sastupki ahresaru mohuć pryvieści da zakančeńnia vajny. Takim čynam ahresar nie płacić za ahresiju, naadvarot. Dyk čamu jon pavinien spynicca? Tak my jaho tolki zaachvočvajem.
Da taho ž prezident Zialenski vielmi vyrazna skazaŭ: pieradača terytoryj Rasii zabaronienaja», — zajaviŭ daradca kiraŭnika Ofisa prezidenta Ukrainy.
Padalak padkreśliŭ, što havorka idzie nie tolki pra normy Kanstytucyi Ukrainy, ale i pra mižnarodnaje prava.
«Heta nie tolki kanstytucyjnaje pytańnie. Tut havorka idzie pra parušeńnie mižnarodnaj zabarony. Niemahčyma adnabakova addavać terytoryju ahresaru», — rastłumačyŭ jon.
U toj ža čas jon padkreśliŭ, što ŭ vypadku realizacyi scenaryja zamarožvańnia vajny havorka budzie iści pra faktyčnaje, ale nie jurydyčnaje pryznańnie časova akupavanych terytoryj.
«Tak, mienavita tak. De-jure nichto nie pryznaje hetyja terytoryi rasijskimi», — reziumavaŭ jon.
ZŠA mohuć u jakaści harantyj biaśpieki zakryć nieba nad Ukrainaj
Tramp astyŭ da idei arhanizavać sustreču Pucina i Zialenskaha
«Niemahčyma vyjhrać vajnu, nie atakujučy zachopnika». Tramp abvinavaciŭ Bajdena ŭ tym, što jon zabaraniaŭ Ukrainie bić pa Rasii
Uitkaf pieradaŭ orden ad Pucina namieśnicy dyrektara CRU — jaje syn vajavaŭ za Rasiju i zahinuŭ
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary