Biełarusy na druhim miescy siarod zamiežnikaŭ
U Polščy pracuje 1,067 miljona zamiežnikaŭ, paviedamiŭ Most sa spasyłkaj na Hałoŭnaje statystyčnaje viedamstva Polščy. Za hod pakazčyk vyras na 5,5%.
Danyja pra zaniataść zamiežnikaŭ publikujucca z zatrymkaj. Infarmacyja, apublikavanaja 9 vieraśnia, pakazvaje situacyju pa stanie na 31 sakavika 2025 hoda.
Bolš za ŭsio ŭ Polščy zaniata ŭkraincaŭ — 714,9 tys. Heta na 3,6% bolš, čym hodam raniej.
Biełarusy — na druhim miescy. Jany składajuć 11% zaniatych zamiežnikaŭ, heta kala 117 tys. čałaviek. Na trecim — hruziny (2,3%, abo kala 25 tys. čałaviek).
Amal 38% zamiežnikaŭ pracujuć nie pa pracoŭnych, a pa hramadzianska-pravavych damovach, to-bok damovach daručeńnia pracy (umowy zlecenie), ahienckich dy inš.
U realnaści dola tych, chto nie maje pracoŭnaj damovy, jašče bolšaja. Ale statystyčnyja danyja nie ŭličvajuć tych, chto pracuje pa damovach padradu (umowy o dzieło), a taksama zaniatych u jakaści pamočnikaŭ fiermieraŭ.
Kala 20% zaniatych zamiežnikaŭ vybirajuć staličny rehijon. Taksama ŭ lidarach Nižniasilezskaje, Vialikapolskaje i Silezskaje vajavodstvy.
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie24
Kamientary