Pad Maskvoj znajšli miortvym hiendyrektara kampanii sa struktury «Rasatama»
U pasiołku Kakoškina pad Maskvoj znajšli miortvym hienieralnaha dyrektara kampanii Umatex (struktura «Rasatoma») Alaksandra Ciunina. Pavodle paviedamleńniaŭ telehram-kanałaŭ Baza, Shot i Mash, top-mieniedžar, vierahodna, skončyŭ žyćcio samahubstvam.
Cieła było znojdziena kala aŭtamabila top-mieniedžara vypadkovym kiroŭcam, jaki paviedamiŭ pra heta śpiecsłužbam. Pobač znachodzilisia vintoŭka i zapiska, u jakoj kiraŭnik Umatex napisaŭ, što na praciahu piaci hadoŭ pakutavaŭ ad depresii. U Ciunina zastalisia žonka i dvoje synoŭ.
Alaksandru Ciuninu było 50 hadoŭ. Z 2001 da 2013 hoda jon kiravaŭ šeraham telekamunikacyjnych kampanij, u tym liku mižnarodnych. U 2013 hodzie zaniaŭ pasadu vykanaŭčaha dyrektara chołdynha, jaki vypuskaŭ kampazitnyja materyjały. U krasaviku 2016 hoda byŭ pryznačany hiendyrektaram AAT «NPK «Chimpraminžynirynh», paźniej pierajmienavanaha va Umatex.
Umatex — adzin z suśvietnych lidaraŭ u vytvorčaści vuhlarodnaha vałakna. Kampanija taksama zajmajecca inžyniernymi rašeńniami i navukova-daśledčymi raspracoŭkami. U 2023 hodzie jana trapiła pad sankcyi ZŠA, ale pierad hetym nabyła rasijskija aktyvy amierykanskaj kampanii Owens Corning.
Dziŭnyja śmierci top-mieniedžaraŭ bujnych kampanij u Rasii ŭ apošnija hady stali amal budzionnaściu. Z 2022 hoda ŭ Rasii pry niavyśvietlenych ci vielmi dziŭnych abstavinach zahinuli pradstaŭniki kiraŭnictva «Hazprama», «Hazprambanka», «Łukojła», «Urałkalija», «Transnafty», «Navateka», «Narnikiela» i inšych kampanij. Adnych znachodzili z ahniastrelnymi ranieńniami, inšych — paśla padzieńnia z voknaŭ, jašče častku — pry abstavinach, aficyjna patłumačanych jak suicyd abo «raptoŭnaja chvaroba». Ahulnaja kolkaść zahinułych takim čynam užo dasiahnuła dvuch dziasiatkaŭ.
«Cieła znajšli biez hałavy». U Rasii zahinuŭ jašče adzin top-mieniedžar, užo 19‑ty z pačatku vajny
U Rasii pradprymalnik skončyŭ žyćcio samahubstvam paśla dopytu pra suviazi ź biełaruskaj kampanijaj
U Maskvie vypaŭ z akna były top-mieniedžar JUKOSa
Samahubstvy, zabojstvy i niaščasnyja vypadki. Jak chvala śmierciaŭ zachlisnuła bujny rasijski biznes
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary
2) huhł lohka znachodzić keš artykułaŭ i prezientacyj rasatama ab materyjałach dla vytvorčaści dronaŭ - ale sami artykuły s partałaŭ rasatama vydaleny