«Jany što, viertalot prezidenta sabjuć?!» Łukašenka pra namier Jeŭropy źbivać rasijskija samaloty nad svajoj terytoryjaj
«Ja časta ŭ Biełaviežskuju pušču lataju, heta zusim na miažy z Polščaj».
Jeŭropa papiaredziła Rasiju, što budzie źbivać jaje samaloty nad svajoj terytoryjaj. Alaksandra Łukašenku rasijskija žurnalisty ŭ Maskvie spytali, što jon dumaje na hety kont.
«Viedajecie, plavuzhać možna i ŭ publičnuju prastoru lubyja afiory zapuskać. A kali dojdzie da spravy, voś vy potym ubačycie, što jany sabjuć i jak. Što, jany sabjuć na našaj terytoryi latalnyja aparaty, samaloty, viertaloty i hetak dalej? Nu, dapuścim, Biełaviežskuju pušču… ja tudy časta lataju, heta zusim na miažy z Polščaj. Viertalot prezidenta sabjuć ci tam niejki vajskovy viertalot supravadžeńnia? Dyk adkaz ža prylacić imhnienna. Heta ž nie vajna va Ukrainie», — adkazaŭ Łukašenka, pierakruciŭšy, nibyta NATA źbirajecca nanosić udary pa samalotach u pavietranaj prastory Biełarusi ci Rasii.
Jon nazvaŭ zajavu krain Joŭropy źbivać rasijskija samaloty nad svajoj terytoryjaj «śmiełaj zajavaj».
«Toje, što jany zajavili, buduć źbivać… Nu, niachaj pasprabujuć sabjuć. Abo nad Kalininhradam tam sabjuć niešta rasijskaje. Nu nam daviadziecca, nie daj boh, viadoma, tady vajavać na ŭsie hrošy, jak u Rasii kažuć, na ŭsie hrošy. Heta treba? Nie. Tamu, dumaju, supakojacca», — miarkuje jon.
Jon nahadaŭ, što biełaruski bok papiaredziŭ polski pra zalot rasijskich bieśpiłotnikaŭ.
«My im paviedamili: «Chłopcy, hladzicie». A kali b nie paviedamili? Ich navat heta ździviła, što my im paviedamili. Dyk jany što, za heta buduć našy samaloty-viertaloty źbivać ci rasijskija? Nu, heta ja liču, niepradumanaja takaja zajava, durnaja zajava. Tak dziejničać nielha, susiedzi tak nie pracujuć», — skazaŭ jon.
Ciapier čytajuć
Hienierał Kiełah raskazaŭ, čamu ZŠA razmaŭlajuć z Łukašenkam12
Kamientary