U Łatvii razhladajuć mahčymaść poŭnaha spynieńnia rehularnych aŭtobusnych rejsaŭ u Biełaruś i Rasiju. Takaja rekamiendacyja pastupiła ad Aŭtatranspartnaj dyrekcyi (ATD), jakaja vydaje licenzii na mižnarodnyja pieravozki.
Jašče ŭ vieraśni Ministerstva kamunikacyj Łatvii daručyła padrychtavać pravavoje abhruntavańnie dla taho, kab nie praciahvać dziejańnie licenzij na maršruty ŭ Biełaruś i Rasiju. Ciapier isnujuć try rehularnyja rejsy ŭ Biełaruś — u Viciebsk, Minsk i Homiel. Ich licenzii dziejničajuć u kaho da pačatku, a ŭ kaho da siaredziny 2026 hoda.
Pavodle acenki ATD, spynieńnie pieravozak metazhodnaje z ulikam ciapierašniaj hieapalityčnaj situacyi i pahroz nacyjanalnaj biaśpiecy. Dyrekcyja prapanuje padrychtavać prajekt rašeńnia ŭrada pra aficyjnaje spynieńnie ruchu, jaki zatym razhledziać u Kabiniecie ministraŭ.
Raniej, z 1 listapada, Łatvija ŭžo zabaraniła nierehularnyja mižnarodnyja pieravozki ŭ Biełaruś i Rasiju — heta značyć, čartarnyja i zakaznyja rejsy. Ale rehularnyja aŭtobusnyja maršruty pakul praciahvajuć pracavać.
Pry hetym ATD užo nie vydaje novych i nie praciahvaje starych dazvołaŭ na mižnarodnyja aŭtobusnyja maršruty, u tym liku tranzitnyja praz terytoryju Biełarusi i Rasii.
«Pieršyja 5‑6 aŭtobusaŭ zaniatyja». Jak ciapier dabirajucca ź Biełarusi ŭ Polšču i nie tolki
«Minus 650 jeŭra». Jak biełarusy rezka źmianiajuć maršruty paśla zakryćcia miažy ź Litvoj
Jak vyjechać ź Biełarusi ŭ Jeŭropu i viarnucca nazad, kali miaža ź Litvoj zakrytaja? Spojler: varyjantaŭ nie šmat
Što rabić, kali miažu znoŭ raptam zakryjuć? Biełarusy abmiarkoŭvajuć, jak płanavać pajezdku ŭ novych realijach
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy7
Kamientary