Aviakampanija «Biełavija» abviaściła pra zapusk čartarnaj prahramy ŭ ijardanski kurortny horad Akaba, što na ŭźbiarežžy Čyrvonaha mora. Pra heta paviedamiła pres-słužba pieravozčyka.
Pieršy rejs ź Minska zapłanavany na 10 sakavika 2026 hoda, a prahramu palotaŭ płanujuć praciahvać da kanca maja. Samaloty Boeing 737‑800 buduć vylatać ź biełaruskaj stalicy kožnyja 11 dzion, a palot zojmie prykładna šeść hadzin.
Arhanizacyjnyja padrabiaznaści možna atrymać u turystyčnaha apieratara «Intersici», jaki vystupaje kansalidataram rejsaŭ.
U kampanii adznačyli, što padčas adpačynku ŭ Ijardanii turysty zmohuć adpačyć na bierazie Čyrvonaha mora, zaniacca dajvinham kala karałavych ryfaŭ, naviedać staražytnyja harady Pietra i Džeraš, a taksama ździejśnić padarožža pa pustyni Vadzi Ram, dzie zdymali viadomyja filmy — «Marsijanin», «Zornyja vojny» i «Dziuna».
Biełarusam dla ŭjezdu ŭ Ijardaniju patrebnaja viza, jakuju možna atrymać pa prybyćci ŭ krainu.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary